“Cümə axşamı Moskvada Əliyevlə Paşinyan arasında keçiriləcək görüşün nəticəsi nə olursa olsun, Kreml və Smolenskaya meydanında(Rusiya XİN-in yerləşdiyi məkan- S.L.) bunu Rusiyanın himayəsi altında davam etdirilməli olan sülh sazişinə doğru ciddi irəliləyiş kimi elan ediləcəyinə şübhə yoxdur”.

Moderator.az xəbər verir ki, bunu özünün “Facebook” səhifəsində rusiyalı politoloq, MDB ölkələri üzrə ekspert Aleksandr Dubnov yazıb.

“Ola bilsin ki, hətta Qərbin bu prosesdə rolu riyakar şəkildə qeyd olunsun. Amma KTMT-nin “Ermənistanı tərk etməsi” ilə nə ediləcəyini söyləmək çətindir. Problem daha çox mahiyyətlə yox, imiclə bağlıdır. Aydındır ki, bu gün Təşkilatdakı tərəfdaşlardan heç biri İrəvanı belə bir qərar vermək qətiyyətində dəstəkləməyəcək. Digər tərəfdən, Rusiya bu gün Ermənistanı silahla təmin etməyə çətin ki, hazırdır. Çünki özünün də bununla bağlı problemləri var"- deyə politoloq bildirib.

Ekspert əlavə edib ki, Qarabağın Azərbaycanın tərkibinə daxil olacağını təsdiqləyən sülh müqaviləsi imzalanarsa, sülhməramlılar bölgədən çıxarılmalı olacaq.

“Və Ermənistan KTMT-dən çıxsa, onun ərazisində ABŞ və ya NATO-nun hərbi infrastrukturunu, bazalarını yerləşdirmək hüququ olacaq...”- deyə rusiyalı politoloq vurğulayıb.

---

---