Bakı Şəhəri üzrə Təhsil İdarəsi paytaxtın 225 nömrəli tam orta ümumtəhsil məktəbində VII sinif şagirdinin (müvafiq səbəbdən şagirdin adı qeyd olunmur) məktəbin pəncərəsindən yıxılmasının detallarını açıqlayıb.
Ölkə.az-ın sorğusuna cavab olaraq idarədən bildirilib ki, məktəb rəhbərliyi tərəfindən dərhal hadisə yerinə təcili tibbi yardım çağırılıb.

"Təəssüf ki, aldığı xəsarət nəticəsində şagird dünyasını dəyişib", - rəsmi məlumatda qeyd olunub.

Bildirilib ki, hadisə ilə əlaqədar şagirdin ailəsinə və aidiyyəti qurumlara məlumat verilib:

"Məsələ müvafiq qurumlar tərəfindən nəzarətə götürülüb və müvafiq araşdırmalara başlanılıb.

İctimaiyyətdən araşdırma aparıldığını nəzərə alaraq, məsələyə daha həssas yanaşılması, hadisə barədə rəsmi qurumların açıqlamalarına istinad edilməsi xahiş olunur".

Oxu.az-ın xəbərinə görə, hadisə məktəbin 4-cü mərtəbəsində 3-cü dərs zamanı baş verib. Həmin vaxt G.Dadaşovanın sinif yoldaşları fiziki tərbiyə dərsində olublar, G. isə dərsə qatılmayıb.

Məlumata görə, G.Dadaşovanın anası bir müddət əvvəl vəfat edib və o, xalasının himayəsində yaşayıb.

***

10:40

Bakının Yasamal rayonunda yerləşən 225 nömrəli tam orta məktəbdə bədbəxt hadisə baş verib.

Ölkə.az Oxu.az-a istinadən xəbər verir ki, məktəbin 7-ci sinif şagirdi olan qız pəncərədən yıxılıb.

Hadisə nəticəsində şagird həyatını itirib.

---

---