Oqtay Əsədov: Xalq öz taleyinin sahibidir

Xəbər başlıqları

12:28 – İlham Əliyev İsrailin nəqliyyat və yol təhlükəsizliyi nazirini qəbul edib
12:46 – Prezident Millətlər Birliyi təşkilatının Baş katibi ilə görüşüb
11:04 – İlham Əliyev Leonid Slutski ilə görüşüb
14:08 – Prezident SABAH proqramı ilə bağlı sərəncam imzaladı

Oqtay Əsədov: Xalq öz taleyinin sahibidir

13-04-2023, 14:45 68 dəfə baxılıb

Milli Məclisin sabiq spikeri, Azərbaycan Tennis Federasiyasına prezidenti Oqtay Əsədov qazilərin, şəhid ailələrinin, veteranların yaxın dostudur. Şəhid ailələri, qazilər, həmçinin müharibə veteranları daim Oqtay Əsədovun diqqətindədir. “Bütün bayramlarda və əlamətdar günlərdə onlara baş çəkir, qayğıları ilə maraqlanır, hər cür maddi-mənəvi dəstək göstərilir. Onların heç bir müraciətini geri çevirməyən Oqtay Əsədov səlahiyyətləri çərçivəsində hər cür köməklik göstərməyə həmişə hazırdır.

Oqtay Əsədov Ulu Öndər Heydər Əliyevin siyasi kursuna daim sadiqdir. Heç bir təmanna güdmədən, tutduğu vəzifədən asılı olmayaraq, vəzifədə olub-olmamasından asılı olmayaraq prezident İlham Əliyevə, dövlətə və dövlətçiliyimizə sabit, stabil, sadiq adamdır.

Milli Məclisin sabiq spikeri, Azərbaycan Tennis Federasiyasına prezidenti Oqtay Əsədov - 2018-ci ildə keçirilmiş növbədənkənar prezident seçkiləri 1991-ci ildə müstəqillik əldə etmiş Azərbaycan Respublikasında Prezidenti postuna keçirilən sayca 8-ci rəsmi seçki idi. Seçki marafonunda 8 namizəd iştirak etdi. Yeni Azərbaycan Partiyasının bu seçkilərdə namizədi, partiyanın Sədri cənab İlham Əliyev idi. Təbliğat, təşviqat kampaniyası üçün bütün namizədlərə bərabər şərait yaradılmışdı. Ümumilikdə isə seçkilərdə səsvermə hüququna malik olan vətəndaşların 74.3 % iştirak etdr. Şəffaf, azad, demokratik şəraitdə keçirilən seçkilərdə YAP sədri İlham Əliyev cənabları seçkidə iştirak edən Azərbaycan seçicilərinin mütləq əksəriyyətinin – 86,02 faizinin səsini qazanaraq Azərbaycan Respublikasının Prezidenti seçildi.

Seçkinin nəticələri Azərbaycan xalqı cənab İlham Əliyev hakimiyyəti dövründə görülən işlərə yüksək qiymət verdiyini, görülən işlərin davam etdirilməsinə səs verdiyini göstərdi. Seçkidən əvvəl yerli və beynəlxalq təşkilatlar tərəfindən keçirilmiş rəy sorğuları, seçkilər günü yenə də beynəlxalq və yerli təşkilatlar tərəfindən keçirilmiş “exit-poll”lar seçkinin rəsmi nəticələri ilə üst-üstə düşdü. Bu, bir daha onu göstərdi ki, seçkilər xalqın iradəsini əks etdirir.

Prezident İlham Əliyev 2018-ci il 11 aprel tarixli andiçmə mərasimindəki çıxışında deyirdi: “Biz gələcəyə baxmalıyıq və baxırıq. Növbəti illərdə görüləcək işlər haqqında bizim çox aydın təsəvvürümüz, planlarımız, proqramlarımız var... Ona görə mən əminəm ki, bütün Azərbaycan xalqı və biz hamımız gələcəyə çox böyük nikbinliklə baxırıq. Hamımızın amalı ondan ibarətdir ki, ölkəmiz daha da güclənsin, daha da qüdrətli dövlətə çevrilsin, Azərbaycan vətəndaşları daha da yaxşı yaşasınlar.” Əslində Prezident İlham Əliyev andiçmə mərasimindəki çıxışı zamanı bir çox mətləblərə aydınlıq gətirdi, hakimiyyətin yürütdüyü siyasətin xalqın və dövlətin dayanıqlı inkişafına yönəlmiş siyasət oduğunu detallı şəkildə göstərdi.

Beş il bundan öncə baş tutmuş seçkilər göstərdi ki, radikallara Azərbaycanın siyasi səhnəsində yer yoxdur. Xarici qrant, ianə hesabına fəaliyyət göstərən, öz dövlətinə qarşı çıxış edən, bir çox hallarda milli satqınlıq nümayiş etdirən ünsürlərə Azərbaycan xalqı bir daha öz yerini göstərdi. Həmçinin, 2018-ci ildə Azərbaycan xalqı Prezident İlham Əliyevə səs verməklə ölkədə aparılan demokratik islahatlara səs vermiş oldu və sübut etdi ki, siyasi müstəqillik sayəsində Azərbaycan xalqı öz taleyinin sahibidir. Eyni zamanda seçicilərin mütləq əksəriyyətinin Prezident İlham Əliyevə səs verməsi, əslində xalqın bütün destruktiv və xain qüvvələrə yox deməyinin təzahürüdür. Seçicilər cənab İlham Əliyevə səs verməklə milli həmrəyliyin qorunmasına xidmət edən fəaliyyəti dəstəklədiklərini bütün dünyaya göstərdilər.

Prezident İlham Əliyevin hakimiyyəti dövründə xalq milli ideya ətrafında birləşdirildi, Azərbaycançılıq məfkurəsi ölkəmizdə tam bərqərar olub. Qeyd olunan illər eyni zamanda Vətənin hər qarışına sahib çıxacaq yeni bir nəsil yetişdi. Həmçinin, bu illər ərzində əldə olunmuş iqtisadi inkişaf və aparılan effektiv xarici siyasət nəticəsində Ermənistan bütün regional layihələrdən təcrid olundu. Nəticədə, Azərbaycan dövləti müzəffər Ali Baş komandan İlham Əliyevin rəhbərliyi altında Qarabağı və Şərqi Zəngəzuru 30 illik erməni faşistlərinin əsarətindən azad etdi. Ermənistan Azərbaycanla sülh sazişi imzalamasa da bu gün işğal olunmuş bütün ərazilərdə tikinti quruculuq işləri reallaşdırılır. İnanırıq ki, aparılan məqsədyönlü siyasət nəticəsində Azərbaycan regionda sülhün bərqərar olmasına nail olacaq.

« Kasım 2024 »
Pt	Sa	Çr	Pr	Cu	Ct	Pz
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

« Kasım 2024 »
Pt	Sa	Çr	Pr	Cu	Ct	Pz
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

« Kasım 2024 »
Pt	Sa	Çr	Pr	Cu	Ct	Pz
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30