Əvəz Səfərli: Keyfiyyət-uğurumuzun əsasıdır!

Xəbər başlıqları

12:28 – İlham Əliyev İsrailin nəqliyyat və yol təhlükəsizliyi nazirini qəbul edib
12:46 – Prezident Millətlər Birliyi təşkilatının Baş katibi ilə görüşüb
11:04 – İlham Əliyev Leonid Slutski ilə görüşüb
14:08 – Prezident SABAH proqramı ilə bağlı sərəncam imzaladı

Əvəz Səfərli: Keyfiyyət-uğurumuzun əsasıdır!

15-07-2022, 11:59 197 dəfə baxılıb

“RICH S.A.” şirkətinin rəhbəri Əvəz Səfərli qazilərin, şəhid ailələrinin, veteranların yaxın dostudur. Onların heç bir müraciətini geri çevirməyən Əvəz Səfərli səlahiyyətləri çərçivəsində hər cür köməklik göstərməyə həmişə hazırdır.

Mayası vətənpərvərliklə, halallıqla yoğrulan bu gözəl insana, “RICH S.A.” şirkətinin rəhbəri Əvəz Səfərliyə biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.

«RICH S.A. MMC» 2000- ci ildən istehsal fəaliyyətinə başlayıb. Şirkətimiz “Millennium” ticarət nişanlı dondurmaların istehsalı və satışını həyata keçirir. Əminliklə deyə bilərik ki, bu gün şirkətimiz Azərbaycan dondurma bazarında aparıcı yerlərdən birini tutur.

Şirkət öz istehsal etdiyi məhsullarla regionların dondurmaya olan təlabatını ödəmək gücündədir.

Bir çox tanınmış xarici dondurma istehsalçılarının dа rəsmi distribyutorluğu şirkətimizə məxsusdur.

Hər il şirkətimiz öz məhsul siyahısına yeni-yeni dondurma növləri əlavə edir. Bu zaman istehlakçı dondurmanı yeni qablaşdırma kimi deyil, tamamilə yeni növ və yeni dad kimi qəbul edir.

«RICH S.A. MMC» istehsal prosesində yeni texnologiyaların tətbiqində də böyük işlər görmüşdür. Bundan başqa şirkət dondurma istehsalında yüksək keyfiyyətli ərzaq məhsullarından istifadə edir. İstifadə olunan xammal məhsullarının və istehsal olunan dondurmanın keyfiyyətinin və təhlükəsizliyinin yoxlanması üçün şirkət yüksək texnologiyalarla təchiz olunmuş və avropa standartlarının tələblərinə cavab verən laboratoriyaya malikdir.

Məhsul çeşidinin keyfiyyətinə və təhlükəsizliyinə Azərbaycan Respublikasının qanunvericiliyinin tələblərinə uyğun şəkildə nəzarət edilir. Bu da həmçinin istehlakçı və müştərilərin tələb və istəklərinin ödənməsinə xidmət edir.

İstehlakçı uğrunda mübarizədə “Millennium” dondurmalarının öz rəqibləri üzərində müvəffəqiyyət qazanmasının əsas faktoru yüksək keyfiyyətdir. Biz məhsulumuzun keyfiyyətinə zəmanət veririk və bununla hər an qürur duyuruq. Keyfiyyət şirkətin ümumi öhdəliyidir və məhsulun keyfiyyətinin artırılmasında yaxından iştirak etmək şirkətimizin hər bir əməkdaşının qarşısında duran əsas vəzifədir.

Keyfiyyət-uğurumuzun əsasıdır!

“RICH S.A.” şirkətinin rəhbəri Əvəz Səfərli - Bu gün qalib Azərbaycanın yeni-yeni hədəflərə doğru inamla irəliləməsindən bəhs edirik. Uğurlarımız daim keçilən yolun təhlilini, Azərbaycanın dünyaya nümunə olan inkişaf modelinin formalaşmasının hansı səylərin nəticəsi olduğunu təhlil etməyi bir zərurət kimi ortaya qoyur.

Bu fikir böyük fəxr və qürur hissi ilə qeyd edilir ki, ulu öndər Heydər Əliyevin 14 iyul 1969-cu ildə Azərbaycanda siyasi hakimiyyətə gəlişi ilə bugünkü uğurların əsası qoyuldu. Ümummilli Liderin Vətəninə, dövlətinə, xalqına bağlılığı, hər addımında xalqının, dövlətinin gələcəyini düşünməsi Azərbaycanın qarşısında geniş imkanların açılmasında əhəmiyyətli rol oynayıb. Ulu öndər Heydər Əliyev yalnız Azərbaycanın intibah dövrünün müəllifi kimi deyil, eyni zamanda, öz ideyaları ilə Azərbaycanı Zəfərdən zəfərə aparan əsl azərbaycanlı kimi təqdim edilir. Belə ki, Ümummilli Lider 1969-cu ildə hakimiyyətə gəlişi ilə azərbaycançılıq ideologiyasının, milli şüurun inkişafı istiqamətində mühüm addımlar atdı, Azərbaycanın müstəqil gələcəyinin əsasını qoydu.

Ulu öndər Heydər Əliyevin hakimiyyətinin birinci dövründə gördüyü işlərdən danışarkən hər zaman gənclərimizin keçmiş İttifaqın ən nüfuzlu ali məktəblərində təhsil almağa göndərilməsi, milli-mənəvi dəyərlərimizin, dilimizin inkişafı və qorunması istiqamətində atdığı addımlar xüsusi qeyd edilir. Bu baxımdan ki, hər bir dövlətin, xalqın təqdimatında onun yürütdüyü siyasətlə yanaşı, dili, milli-mənəvi dəyərləri, zəngin dövlətçilik tarixi əsas rol oynayır. Ümummilli Liderin gərgin səyləri nəticəsində 1978-ci ildə qəbul olunan Konstitusiyada Azərbaycan dili dövlət dili statusunu qazanmışdır.

Bugünkü Azərbaycan məhz 1969-82-ci illərdə yaradılan möhkəm təməl üzərində uğurla inkişaf edir. Həmin illərdə ölkəmizin iqtisadi inkişafının təmin edilməsi Azərbaycanın dövlət müstəqilliyini yenidən bərpa etdiyi, daha dəqiq desək ulu öndər Heydər Əliyevin 1993-cü ildə xalqın təkidli tələbi ilə hakimiyyətə qayıdışından sonrakı dövrdə davamlı uğurlar qazanmasında mühüm rol oynadı. Bu fikir hər zaman böyük əminliklə qeyd edilir ki, ulu öndər Heydər Əliyev hakimiyyətinin birinci dövründə Azərbaycanı keçmiş İttifaq respublikaları arasında ən qabaqcıl ölkəyə çevirdiyi kimi, 1993-cü ildə hakimiyyətə qayıdışı ilə müstəqilliyimizin xilaskarı kimi adını tarixə yazdı və bugünkü inkişafa yol açdı.

Azərbaycan qısa müddətdə sabitlik diyarına, böyük investisiyalar məkanına çevrildi. Ulu öndər Heydər Əliyevin iqtisadiyyatın inkişafında neft amilinə önəm verməsi uzaqgörən siyasətinin təqdimatı oldu. 1994-cü il sentyabrın 20-də “Əsrin müqaviləsi”nin imzalanması Azərbaycanın dayanıqlı inkişafının əsası kimi dəyərləndirildi. İqtisadi qüdrətini artıran Azərbaycan həm də yeni dostlar, tərəfdaşlar qazandı. Yeni-yeni sazişlərin imzalanması, layihələrin gündəmə gətirilməsi ölkəmizə diqqəti daha da artırdı.

Hər bir ölkənin inkişafı onun daxili potensialının yüksəlməsi ilə yanaşı, beynəlxalq aləmdə çəkisinin, yerinin, rolunun artmasında da ifadə olunur. Azərbaycanın ədalətə və beynəlxalq hüquqa əsaslanan xarici siyasəti tarixi Zəfərimizi şərtləndirən amillər sırasında xüsusi yer tutur. Tarixi həqiqətlərimizin təbliği, Azərbaycanın ətrafında yaradılan informasiya blokadasının yarılması ulu öndər Heydər Əliyevin fəaliyyətinin əsas istiqamətlərindən birini təşkil edirdi. Məhz bu addımların nəticəsində hazırda tarixə qovuşmuş Qarabağ münaqişəsinin həlli üçün möhkəm hüquqi baza yaradıldı.

Azərbaycana hansı tərəfdən baxsaq ulu öndər Heydər Əliyevin xidmətlərini görür və bundan böyük qürur hissi keçiririk. Tarixdə şəxsiyyətlərin rolunu daim önə çəkən dövlət başçısı İlham Əliyev bu fikri böyük əminliklə vurğulayır ki, əgər Heydər Əliyev o vaxt hakimiyyətə gəlməsəydi, bu gün Azərbaycan bəlkə də ancaq kiminsə əlinin altında bir oyuncaq dövlət, bir yarımmüstəmləkə kimi yaşaya bilərdi. Eyni zamanda, bu çağırışı da edir ki, tarixi paralellər fonunda müstəqillik tariximizin ayrı-ayrı dövrlərini müqayisə etməliyik. 1993-2003-cü illər ölkəmizin həyatında həlledici illər olub.

Ümummilli Liderin dövlətimiz, xalqımız qarşısında xidmətlərinin miqyası o qədər genişdir ki, onları bir yazıda əhatə etmək qeyri-mümkündür. Bu gün böyük qürur hissi ilə qeyd edirik ki, Heydər Əliyev yolu uğurla davam edir. Dövlət başçısı İlham Əliyev Azərbaycana daha möhtəşəm uğurlar qazandırır. Uğurlarımızın zirvəsində dayanan tarixi Zəfərimiz Heydər Əliyev siyasətinin təntənəsidir. Ulu Öndərin ən böyük arzusu ərazi bütövlüyümüzün bərpası idi. İki ilə yaxındır ki, bu arzunun da reallığa çevrilməsinin sevincini yaşayırıq. Qarabağlı və Şərqi Zəngəzurlu Azərbaycan daha möhtəşəm uğurları ilə dünyanın diqqətində olacaq.

« Kasım 2024 »
Pt	Sa	Çr	Pr	Cu	Ct	Pz
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

« Kasım 2024 »
Pt	Sa	Çr	Pr	Cu	Ct	Pz
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

« Kasım 2024 »
Pt	Sa	Çr	Pr	Cu	Ct	Pz
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30