ABŞ Prezidenti Donald Trampın kriptovalyuta layihələrindən təxminən 1,4 milyard dollar gəlir əldə edib.

“CBS News” xəbər verir ki, Tramp kriptovalyuta layihələrdən gəliləri ikinci dəfə Ağ Evə qayıtdıqdan sonra əldə edib.

“CBS News”ün yazdığına görə, onun bu gəlirdən nə qədər vergi ödəməli olduğu ilə bağlı sualları yenidən gündəmə gətirib və bu, hələ də sirr olaraq qalır.

Bir kriptovalyuta vergisi üzrə mütəxəssis Trampın vergi öhdəliyinin ən azı 250 milyon dollar ola biləcəyini təxmin edir. Əgər bütün gəlirlər federal fərdi gəlir vergisinə maksimum 37% dərəcəsi ilə cəlb edilsəydi, bütün çıxılmalar istisna olmaqla, ümumi məbləğ 518 milyon dollara çatardı.
Eyni zamanda, vergi mütəxəssisləri faktiki vergi məbləğinin müəyyən edilməsinin praktik olaraq mümkün olmadığını qeyd edirlər. ABŞ-ın bir neçə əvvəlki prezidentindən fərqli olaraq, Tramp vergi bəyannamələrini dərc etmir və kriptovalyuta gəlirlərinin axdığı şirkətlərin strukturu qeyri-şəffaf olaraq qalır.

Hüquq professoru və kriptovalyuta vergisi üzrə ekspert Omri Marian bildirib ki, onun çox böyük məbləğdə pul qazandığını bilirik, amma aktivlərin mülkiyyət strukturunun necə qurulduğunu bilmirik. “Bu, qara qutu kimidir",- ekspert qeyd edib.

Ağ Ev kriptovalyuta gəlirlərindən hansı vergilərin ödənildiyi, onların prezidentin şəxsi gəliri və ya korporativ gəlir kimi qeyd edilib-edilmədiyi və vergi endirimlərindən və zərərlərin geri qaytarılmasından istifadə edilib-edilmədiyi barədə sualları cavablandırmaqdan imtina edib.
Maliyyə açıqlamasına görə, Tramp $TRUMP mem tokeni ilə əlaqəli lisenziyalaşdırma müqaviləsi çərçivəsində təxminən 625 milyon dollar royalti alıb. O, həmçinin rəqəmsal tokenlərin satışından və oğulları ilə birlikdə qurduğu World Liberty Financial kriptovalyuta şirkətindəki payının bir hissəsindən 590 milyon dollardan çox qazanc əldə edib.

---

---