Ağcabədi Rayon İcra Hakimiyyətində silsilə tədbirlər davam edir

Xəbər başlıqları

12:18 – İlham Əliyev Slovakiya Milli Şurası sədrinin başçılıq etdiyi nümayəndə heyətini qəbul edib
15:25 – İlham Əliyev “Zangilan City Park Hotel”in təməlini qoydu - Fotolar
15:13 – “Bir dənə güllə atsaq, onların dabanları parlayacaq” - Prezident
15:05 – Prezidentin Zəngilan sakinləri ilə görüşündən - Fotolar+Yenilənib

Ağcabədi Rayon İcra Hakimiyyətində silsilə tədbirlər davam edir

27-12-2023, 13:10 17 dəfə baxılıb

Ağcabədi Rayon İcra Hakimiyyətinin başçısı Rafil Hüseynovun səyyar qəbul-görüşü Kəbirli kəndində keçirilmişdir

Ağcabədi Rayon İcra Hakimiyyəti başçısının yerlərdə sakinlərlə görüşləri davam edir.

Dekabrın 20-də daha bir səyyar qəbul Kəbirli kənd tam orta məktəbində keçirilib. Qəbulda həmçinin rayon icra hakimiyyətinin məsul şəxsləri, hüquq mühafizə orqanlarının, əlaqədar idarə, müəssisə və təşkilatarın rəhbərləri, media nümayəndələri iştirak ediblər.

Görüşdə çıxış edən icra başçısı Rafil Hüseynov Kəbirli kəndi, eləcə də kəbirli tayfası haqqında fikirlərini sakinlərlə bölüşüb. O, bildirib ki, Kəbirlilər uzun illər Cavanşirlər tayfasının tərkibində olub. XVIII əsrin ikinci yarısında isə Pənahəli xanın himayədarlığı ilə bu oymaq Cavanşirlər elinin tərkibindən çıxaraq müstəqil bir oymağa, sonra isə böyük Kəbirli mahalına çevrilib. Lakin sonralar Nadir şah tərəfindən Kəbirli tayfalarının başçıları ailələri ilə bərabər sürgün edilib. Hazırda dünyanın bir neçə ölkəsində – İranda, İraqda, Türkiyədə, Gürcüstanda və Əfqanıstanda da Kəbirli tayfasına mənsub insanlar yaşayır. Çıxışı zamanı Kəbirli kənd sakinlərinin birliyə meyilli olduğunu bildirən icra başçısı həmçinin əhalinin kənd təsərrüfatında fəal olduğunu, öz xərclərini, dolanışıqlarını təmin edə bildiklərini diqqətə çatdırıb və bunun çox vacib məqamlardan olduğunu qeyd edib. Ölkəmizdə, xüsusən düşmən tapdağından azad edilmiş Qarabağda gedən tikinti, abadlıq işlərindən, həmin ərazilərin minalardan təmizlənməsi, yol, qaz, işıq xətlərinin çəkilməsi kimi mühüm işlərin görülməsi üçün həyata keçirilən tədbirlərdən də danışan rayon rəhbəri sonra sözü qəbul iştirakçılarına verib.

Kənd sakinləri Kərəm Çobanov, Mürvət Orucuv, Muxtar Zeynalov, Arif Axundov və digərləri çıxış edərək bir sıra porblemləri diqqətə çatdırıblar.Kənd ərazisində qəzalı vəziyyətdə olan 10 kv-luq elektrik naqilləri və dirəklərinin yenilənməsi ilə bağlı müraciətə cavab olaraq bildirilib ki, bununla bağlı icra nümayəndəsi tərəfindən aidiyyəti üzrə müraciət edilməli, məktub ünvanlanmalıdır. Problemə baxılması ilə bağlı Ağcabədi Elektrik Şəbəkəsinin nümayəndəsinə də müəyyən tapşırıq verilib və məsələ nəzarətə götürülüb. Kənddaxili 3 km yola asfalt çəkilməsi ilə bağlı müraciət edən vətəndaşa isə izah olunub ki, bu işə bələdiyyə baxmalıdır. Əksər səyyar qəbullarda olduğu kimi Kəbirli kəndindəki görüşdə də içməli və suvarma suyu ilə bağlı yaşanan problemlər diqqətə çatdırılıb.

İcra başçısı bildirib ki, məhz suvarma suyu ilə bağlı yaşanan çətinliklərin aradan qaldırılması üçün atılan addımlar nəticə verməkdədir. Bununla bağlı bir sıra işlər görülüb. Yanvar ayından etibarən “Xan qızı” kanalına müəyyən qədər su vurulacaqdır ki, bu da problemin həllində xeyli yardımçı olacaq.

Sakinlər problemlərlə bərabər razı qaldıqları məqamları da dilə gətiriblər. O cümlədən Ağcabədi Rayon Heyvan Sağlamlığı və Baytarlıq Xidmətləri İdarəsinin fəaliyyəti yüksək dəyərləndirilib.

Ağcabədi Rayon İcra Hakimiyyətinin başçısı Rafil Hüseynovun səyyar qəbul-görüşü Sarıcalı kəndində keçirilmişdir

Vətəndaş müraciətlərinə həssaslıqla baxılması və qaldırılan məsələlərin diqqətlə araşdırılıb həllinə nail olunması ilə bağlı Azərbaycan Respublikasının Prezidenti İlham Əliyevin qarşıya qoyduğu vəzifələr regionlarda yerli icra hakimiyyəti orqanlarının gündəlik iş fəaliyyətinin əsasını təşkil edir.

Ölkə Prezidentinin dövlət qurumları rəhbərlərinin əhali ilə görüşlərinin keçirilməsinə dair müvafiq tapşırığına uyğun olaraq, Ağcabədi Rayon İcra Hakimiyyətinin başçısı Rafil Hüseynov mütəmadi olaraq qəbul qrafiki əsasında əhali ilə müntəzəm səyyar qəbullar keçirir, onları narahat edən məsələlərlə yaxından tanış olur, müraciət və problemləri xüsusi həssaslıqla dinləyir, sakinlərin suallarına ətraflı cavablar verir və qaldırılan məsələlərin həlli üçün aidiyyəti üzrə tapşırıqlar verərək icrasını nəzarətə götürür.

Təcrübə göstərir ki, yerlərdə səyyar görüşlər əhalini narahat edən problemlərin öyrənilməsi və birbaşa həlli baxımından əhəmiyyətlidir.

Bu prinsipə uyğun olaraq, rayon rəhbəri Rafil Hüseynov sakinlərlə növbəti səyyar görüşü rayonun Sarıcalı kəndində, I Qarabağ müharibəsi şəhidi Müşfiq Uluxanovun adını daşıyan kənd tam orta məktəbinin akt zalında keçirib.

Görüşdə rayon icra hakimiyyəti başçısının müavinləri, şöbə müdirləri, aparatın məsul şəxsləri, hüquq-mühafizə orqanlarının və digər xidmət təşkilatlarının rəhbərləri, ziyalılar, ağsaqqallar, şəhid ailələri, qazilər, fermerlər, kənd sakinləri, eləcə də media nümayəndələri iştirak ediblər.

Kənd sakinləri ilə keçirdiyi səyyar qəbulda çıxış edən icra başçısı bildirib ki, ərazilərdə əhali ilə müntəzəm görüşlərin keçirilməsi ümumi işimizə böyük fayda verir. Bunun da nəticəsində vətəndaşlar tərəfindən qaldırılan problemlər təhlil edilərək, onların həlli yolları axtarılır və aradan qaldırılması üçün lazımi tədbirlər həyata keçirilir.

Vətən müharibəsində əldə olunan qələbədən, işğaldan azad olunmuş ərazilərdə, həmçinin rayonda aparılan və qısa müddət ərzində görülən işlərdən danışan, qarşıda duran vəzifələr haqqında ətraflı məlumat verən Rafil Hüseynov qeyd edilənlərlə yanaşı rayonun qəsəbə və kəndlərində, o cümlədən Sarıcalı kəndində mövcud olan problemlərin hər zaman rayon icra hakimiyyətinin diqqət mərkəzində dayandığını diqqətə çatdırıb.

Sonra sakinlərin müraciətləri dinlənilib. Kənd sakinlərindən Füzuli Hüseynov müraciətində ilk olaraq bütün görülən işlərə görə minnətdarlıq edib və sonra əkin sahələrinin suvarılmasında problemlərin olduğunu bildirərək, istifadələrində olan 40 hektar pay torpaq sahələrinə xidmət edən 1 ədəd subartezian quyusunun bərpa olunmasını, Nazim Cəfərov kənd tam orta məktəbinin bütün yağış sularının həyətinə axdığını bildirərək, köməklik göstərilməsini, Həsənqulu Şirinov, Fikrət Mehdiyev, Mikayıl Adilov müraciətlərində özlərinin və ailə üzvlərinin işsiz olduğunu bildirərək işlə təmin olunmalarına köməklik göstərilməsini, Murad Səfərov istifadəsində olan torpaq sahəsində əkdiyi taxıl sahəsini suvara bilmədiyini və səbəbini isə subartezianın transformatorunun yanması olduğunu qeyd edərək dəstək göstərilməsini, Aqil Baxışovkənd ərazisində işıqlanmanın zəif olduğunu bildirərək təzə transformatorun qoyulmasına, Tahir Baxışov isə müraciətində pay torpaq sahəsinə yaxın olan qonşu Taynaq kəndi ərazisində yerləşən subartezian quyusundan pay torpaq sahəsinin suvarılması üçün növbəlik verilməsinə köməklik göstərilməsini xahiş ediblər.

Səyyar qəbulda qaldırılan məsələlərin bir qismi yerində həll olunub, icrası vaxt və araşdırma tələb edən məsələlərlə bağlı tapşırıqlar verilib və onların icrası nəzarətə götürülüb.

« May 2026 »
Pt	Sa	Çr	Pr	Cu	Ct	Pz
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31

« May 2026 »
Pt	Sa	Çr	Pr	Cu	Ct	Pz
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31

« May 2026 »
Pt	Sa	Çr	Pr	Cu	Ct	Pz
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31