Azərbaycan və Ermənistan arasında əldə olunmuş ikitərəfli razılığa və humanizm prinsiplərinə uyğun olaraq, Azərbaycan Respublikasının Cinayət Məcəlləsinin müxtəlif maddələri ilə təqsirli bilinərək ölkəmizdə cəza çəkən Vaqif Xaçatryan, Gevorq Sujyan, David Davtyan və Vigen Eulcekyan Ermənistana təhvil verilib.

“Qafqazinfo” xəbər verir ki, bu barədə məlumatı Ermənistan Baş naziri Nikol Paşinyan feysbuk hesabında açıqlayıb.

Onun sözlərinə görə, həmin şəxslər Həkəri körpüsü vasitəsilə qarşı tərəfə təhvil verilib.

Paşinyan həmçinin qeyd edib ki, ilkin müayinəyə görə, Gevorq Sujyan, David Davtyan və Vigen Eulcekyanın səhhəti ilə bağlı heç bir problemi yoxdur, Vaqif Xaçatryanın vəziyyəti isə qənaətbəxş olaraq qiymətləndirilir.

---

---