Ermənistan baş naziri Nikol Paşinyanın indiki məqamda Bakıya səfərini təsəvvür etmək çətindir, amma ay yarımdan sonra vəziyyət dəyişə bilər.

Bunu Ermənistanın xarici işlər naziri Ararat Mirzoyan deyib.

O əlavə edib ki, bir zamanlar Ermənistan baş nazirinin Türkiyəyə səfərini təsəvvür etmək qeyri-mümkün idi. “Lakin Ermənistan baş nazirinin Ankaraya səfəri baş tutub. Biz bütün çətinliklərə baxmayaraq mehriban qonşuluq münasibətlərinin qurulması istiqamətində addımlar atmalıyıq”, -nazir vurğulayıb.

Mirzoyan əlavə edib ki, Azərbaycan və Türkiyə prezidentləri gələn il mayın 4-də İrəvanda keçiriləcək VIII Avropa Siyasi Birliyinin sammitində iştirak etmək üçün İrəvana dəvət olunublar. “Dəvətnamə hələlik şifahi şəkildədir”, - o qeyd edib.

Azərbaycan və Türkiyə prezidentlərinin İrəvan səfərini necə qarşılayacağına gəldikdə Mirzoyan deyib ki, çoxillik düşmənçilik mövqeyi baxımdan çətin olsa da, qarşılıqlı etimad üçün bu addımlar atılmalıdır.

---

---