Azərbaycanın Xarici İşlər Nazirliyi Ermənistanın Gəncədə törətdiyi terror hücumunun birinci ildönümü ilə bağlı paylaşım edib.
Bu barədə nazirliyin Tvitter səhifəsi xəbər verir.

“Bu gün Ermənistanın Azərbaycanın Gəncə şəhərinə, münaqişə zonasından kənarda yerləşən mülki yaşayış məntəqələrinə hücum edərək humanitar hüququn bütün prinsiplərini kobud şəkildə pozmasından bir il ötür. Günahsız qurbanları kədər və ağrı ilə anırıq!", - paylaşımda deyilir.

Xatırladaq ki, ötən il oktyabrın 4-də Ermənistan silahlı qüvvələri tərəfindən Azərbaycanın ikinci ən böyük şəhəri olan Gəncəyə raket zərbələri endirilib. Bu hücumda 1 mülki şəxs həlak olub, 30-dan çox mülki şəxs yaralanıb.

---

---