Ağstafada “Heydər Əliyev İli” və akademik Zərifə Əliyevanın 100 illiyinə həsr olunmuş tədbirlər keçirilib

Xəbər başlıqları

12:28 – İlham Əliyev İsrailin nəqliyyat və yol təhlükəsizliyi nazirini qəbul edib
12:46 – Prezident Millətlər Birliyi təşkilatının Baş katibi ilə görüşüb
11:04 – İlham Əliyev Leonid Slutski ilə görüşüb
14:08 – Prezident SABAH proqramı ilə bağlı sərəncam imzaladı

Ağstafada “Heydər Əliyev İli” və akademik Zərifə Əliyevanın 100 illiyinə həsr olunmuş tədbirlər keçirilib

28-04-2023, 02:11 49 dəfə baxılıb

Ağstafada 2023-cü ilin “Heydər Əliyev ili” elan edilməsi münasibətilə “Keşikçidağ” Dövlət tarix- mədəniyyət qoruğuna yürüş keçirilmişdir

2023-cü ilin “Heydər Əliyev ili” elan edilməsi həmçinin 18 Aprel “Beynəlxalq Abidələr və Tarixi Yerlər Günü” ilə əlaqədar 26 aprel 2023-cü il tarixində Azərbaycan Respublikası Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti və Ağstafa rayon İcra Hakimiyyətinin dəstəyi ilə “Keşikçidağ” Dövlət tarix- mədəniyyət qoruğu ərazisində yerləşən “İlham Əliyev adına zirvə”yə Niva markalı avtomobillərlə yürüş təşkil edilmişdir. Yürüş Ağstafa rayon İcra Hakimiyyətinin rəhbərliyi və məsul şəxsləri, Bakı Dövlət Universitetinin Qazax filialının alimləri və rayon ziyalıları, “Ağstafa Gənclər Evi” Sosial Xidmət Müəssisəsi”nin rəhbərliyi və könüllüləri, digər idarə və təşkilatların məsul şəxslərinin, həmçinin qoruq ərazisində elmi-tədqiqat işləri aparmış alimlərin və 15-ə qədər NİVA markalı avtomobilin iştirakı ilə baş tutmuşdur. Yürüş iştirakçıları Ulu Öndər Heydər Əliyevin heykəlini ziyarət etmələri ilə başlanmış, daha sonra avtomobil karvanının Keşikçidağ mağaralar kompleksinin ərazisinə yürüşü ilə davam etdirilmişdir. Yürüşün keçirilməsində əsas məqsəd Ulu Öndər Heydər Əliyev irsinin, o cümlədən Keşikçidağ mağaralar kompleksinin ərazisində yerləşən, tarix, memarlıq, arxeoloji və dini abidələrinin daha geniş təbliğ edilməsi, qədim tariximizin gənc nəslə, şəhid ailələləri və qazilərimizə çatdırılması , abidələr haqqında təəssüratların yaradılmasını təmin etməkdir. Sonra yürüşün ikinci mərhələsinə start verilmiş və qoruğa məxsus informasiya mərkəzində dayanaraq bələdçilər tərəfindən iştirakçılara kurqanlar haqqında məlumatlar verilmiş, daha sonra isə qonaqlar “Keşikçidağ olaraq Qarabağda şanlı tarix yazanların yanındayıq” adlı layihə əsasında 44 günlük Vətən Müharibəsində torpaq uğrunda canlarından keçən şəhidlərimizin xatirəsinə salınmış “Badam bağı” ilə tanış olmuşlar. Tədbir ağacəkmə aksiyası ilə davam etdirilmiş, Ulu Öndər Heydər Əliyevin 100 illiyi münasibətilə 100 ağac əkilmişdir.

Ağstafada “Heydər Əliyev İli” çərçivəsində tədbir keçirilib

Aprelin 19-da “Heydər Əliyev İli” ilə əlaqədar YAP Ağstafa rayon təşkilatı və Ağstafa Rayon İcra Hakimiyyətinin birgə təşkilatçılığı ilə tədbir keçirilib. Əvvəlcə ümummilli lider, müasir müstəqil Azərbaycan dövlətinin banisi, Yeni Azərbaycan Partiyasının qurucusu Heydər Əliyevin abidəsi ziyarət edilib, abidənin önünə gül dəstələri düzülüb. Ağstafa rayon Aqrar Sənaye Kompleksinin akt zalında keçirilən tədbirdən öncə Ulu Öndərin şəkillərindən ibarət fotosərgiyə baxış keçirilib. Tədbirdə Dövlət Himni səsləndirilib. Ulu öndər Heydər Əliyevin və torpaqlarımızın işğaldan azad edilməsi uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad olunub. Daha sonra ulu öndər Heydər Əliyevin həyat və fəaliyyətindən bəhs edən videoçarx nümayiş olunub. Tədbiri giriş sözü ilə açan YAP Ağstafa rayon təşkilatının sədri Etibar Hacıyev bildirib ki, 2023-cü il may ayının 10-da Azərbaycan xalqının Ümummilli lideri, müstəqil Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 ili tamam olur. Azərbaycanın müasir tarixi Ümummilli lider Heydər Əliyevdən ayrılıqda təsəvvür edilmir. Heydər Əliyev müstəqil Azərbaycan dövlətinin memarı, ölkəmizin uzun müddətli və dinamik inkişafının ideya müəllifi sayılır. Onun adı ölkəmizin həm dünəni, həm bu günü, həm də gələcəyi ilə birlikdə çəkilir, xalqımızın dərin hörmət və ehtiram ünvanı kimi tanınır. Tədbirdə çıxış edən YAP İdarə Heyətinin üzvü, Milli Məclisin deputatı Pərvin Kərimzadə qeyd edib ki, Azərbaycanın dövlətçilik tarixinin çox mühüm mərhələsi dünya şöhrətli siyasətçi, böyük dövlət xadimi Heydər Əliyevin adı ilə bağlıdır. Ulu Öndər öz mənalı və zəngin ömrünü bütövlükdə millətinə, xalqına, vətəninə və dövlətinə həsr etmiş, müqəddəs amallar uğrunda müstəsna fəaliyyət göstərmişdir. Məhz Ulu Öndərin gərgin əməyi və qətiyyətli siyasəti sayəsində yeni, müasir Azərbaycan dövləti qurulmuş, ölkəmiz dünya məkanında öz layiqli yerini tutmuşdur. Milli Məclisin deputatı Ülviyyə Ağayeva vurğulayıb ki, dahi şəxsiyyətin Azərbaycana rəhbərlik etdiyi dövr çoxəsrlik dövlətçilik tariximizin ən şanlı səhifələrindəndir. Heydər Əliyevin əsasını qoyduğu siyasəti uğurla davam etdirən Prezident İlham Əliyev Azərbaycanın tərəqqisini təmin edib, torpaqlarımız işğaldan azad olunub və ölkəmiz möhtəşəm nailiyyətlərə imza atmaqdadır. Tədbirdə çıxış edən Ağstafa Rayon İcra Hakimiyyətinin başçısı Seymur Orucov bildirib ki, müasir müstəqil Azərbaycanın memarı, ümummilli lider Heydər Əliyev tarix yaradan əvəzolunmaz şəxsiyyətdir. Görkəmli dövlət xadimi, dünya miqyaslı siyasətçi, Azərbaycan dövlətçiliyini bütün təhlükələrdən qoruyan və inkişaf etdirən qüdrətli şəxsiyyət Heydər Əliyevin müstəsna fəaliyyəti müasir tariximizin şərəfli mərhələsini təşkil edir. Bu gün Azərbaycan dinamik inkişaf edən, beynəlxalq müstəvidə layiqli yer tutan, müstəqil siyasət yürüdən bir dövlətdir. Məhz Heydər Əliyevin ideyaları əsasında ölkəmizin maraqları naminə praqmatik siyasət həyata keçirən Prezident İlham Əliyevin fəaliyyəti nəticəsində Azərbaycan Zəfər zirvəsinə yüksəlmişdir.

Seymur Orucov Göycəli kəndində səyyar qəbulu keçirdi

Ağstafa Rayon İcra Hakimiyyətinin başçısı Seymur Orucov müvafiq qrafikə uyğun olaraq vətəndaşların növbəti səyyar qəbulunu Göycəli kənd yaşayış məntəqəsində keçirib.

Səyyar qəbulda başçının müavinləri və aparatının şöbə müdirləri, rayonun hüquq-mühafizə orqanlarının, eləcə də aidiyyəti təşkilatlarının rəhbərləri iştirak edib. Qəbulda vətəndaşlar tərəfindən olunan müraciət və təkliflər əsasında qaldırılan məsələlər qeydiyyata alınaraq nəzarətə götürülüb. Hər bir məsələ ətrafında müzakirələr aparılıb və həlli istiqamətində aidiyyəti üzrə müvafiq tapşırıqlar verilib.

Ağstafada akademik Zərifə Əliyevanın 100 illiyinə həsr olunmuş tədbir keçirilib

Oftalmologiya sahəsində ilk azərbaycanlı akademik Zərifə xanım Əliyevanın 100 illik yubileyi münasibəti ilə Ağstafa rayon Mədəniyyət Mərkəzində tədbir keçirilib. Tədbirdə Ağstafa RİH başçısı Seymur Orucov, rayonun səhiyyə işçiləri, hüquq-mühafizə orqanlarının rəhbərləri, məsul şəxslər, ictimaiyyət nümayəndələri iştirak ediblər. Sonra dünyaşöhrətli alim, bacarıqlı pedaqoq, qayğıkeş ana, akademik Zərifə Əliyevanın keçdiyi zəngin və şərəfli ömür yolundan bəhs edən videoçarx nümayiş etdirilib. Çıxış edən natiqlər müasir müstəqil Azərbaycan dövlətinin memarı və qurucusu, ümummilli lider Heydər Əliyevin vəfalı ömür-gün yoldaşı, sədaqətli dostu və etibarlı silahdaşı olan Zərifə xanımın elm üçün gözəl tədqiqatçı, övladlarına qayğıkeş valideyn olduğunu qeyd edib, onun elmi-pedaqoji və ictimai fəaliyyəti həkimlərin yeni nəslinin yetişməsinə və Azərbaycanda oftalmologiya elminin inkişafına güclü təsir göstərdiyini vurğulayıblar. Ağstafa rayon səhiyyəsinin məsul şəxsləri məruzələrində Zərifə xanımın oftalmologiyanın müxtəlif sahələri üzrə apardığı tədqiqatlar, qazandığı nailiyyətlər, Azərbaycan tibb elminin parlaq səhifələrini təşkil etdiyi fundamental əsərləri barədə geniş məlumatlar veriblər.