Abşeron rayonunda silsilə tədbirlər keçirilib

Xəbər başlıqları

12:28 – İlham Əliyev İsrailin nəqliyyat və yol təhlükəsizliyi nazirini qəbul edib
12:46 – Prezident Millətlər Birliyi təşkilatının Baş katibi ilə görüşüb
11:04 – İlham Əliyev Leonid Slutski ilə görüşüb
14:08 – Prezident SABAH proqramı ilə bağlı sərəncam imzaladı

Abşeron rayonunda silsilə tədbirlər keçirilib

13-05-2022, 12:07 186 dəfə baxılıb

Ümummilli lider Heydər Əliyevin anadan olmasının 99-cu ildönümü ilə əlaqədar şəhid övladlarının “Yanardağ” Qoruğuna ekskursiyası təşkil edilib

Müzəffər Ali Baş Komandan, Azərbaycan Respublikasının Prezidenti cənab İlham Əliyevin rəhbərliyi ilə xalqımızın zəfər qazandığı Vətən Müharibəsində şəhidlik zirvəsinə yüksələn Abşeronlu igidlərin övladlarının “Yanardağ” Dövlət Tarix-Mədəniyyət və Təbiət Qoruğuna ustad dərsləri ilə müşahidə olunan ekskursiyası təşkil edilib. Abşeron Rayon İcra Hakimiyyətinin təşəbbüsü, İctimai Şuranın və “Yanardağ” Dövlət Tarix-Mədəniyyət və Təbiət Qoruğunun təşkilatçılığı ilə keçirilən ekskursiya Ulu Öndər Heydər Əliyevin anadan olmasının 99-cu ildönümünə həsr olunub.
Əvvəlcə iştirakçıların Abşeron RİH-inin inzibati binasının qarşısından yolasalma mərasimi keçirilib. İcra Hakimiyyətinin başçısı Abdin Fərzəliyev şəhid ailələri ilə görüşüb, hər zaman olduğu kimi, onların qayğıları və problemləri ilə maraqlanıb.
“Yanardağ” Dövlət Tarix-Mədəniyyət və Təbiət Qoruğunda baş tutan tədbirdə Abşeron Rayon İcra Hakimiyyətinin İctimai-siyasi və humanitar məsələlər üzrə başçının müavini Gülnar Rəhimova, İctimai Şuranın üzvləri, könüllülər, şəhid övladları iştirak edib.
Ümummilli Lider Heydər Əliyevin və vətənimizin bütövlüyü uğrunda canından keçən bütün şəhidlərimizin əziz xatirəsi ehtiramla yad edilib, Azərbaycan Respublikasının dövlət himni səsləndirilib.
Abşeron RİH-nin İctimai-siyasi və humanitar məsələlər üzrə başçının müavini Gülnar Rəhimova çıxış edərək bildirib ki, 44 gün – Azərbaycan, o cümlədən dünya tarixinə qızıl rəqəmlərlə yazılmış şanlı zəfərimizin ömrüdür. Vətən Müharibəsi, “Dəmir yumruq” əməliyyatı , böyük qələbə kimi, xalqımızın qəhrəmanlıq tarixində yeni səhifə açıb. Hər birimiz vətən uğrunda canından keçən qəhrəman şəhidlərin və qazilərimizin əmanət övladlarını qorumaq və qayğısına qalmalıyıq. Ölkəmizdə şəhid ailələrinə və qazilərə göstərilən dövlət qayğısı davamlı xarakter daşıyır və bu siyasətin əsası xalqımızın Ümummilli Lideri Heydər Əliyev tərəfindən qoyulub. Bu gün də bu siyasət Cənab Prezident, Ali Baş komandan İlham Əliyev tərəfindən uğurla davam etdirilir.
Sonra açıq səma altında tanınmış incəsənət nümayəndələrinin iştirakı ilə bədii kompozisiya, Xırdalan şəhər 10 nömrəli tam orta məktəbin rəqs qrupu hazırladığı milli rəqs nömrələri təqdim edilib, şəhid övladları şeirlər söyləyiblər.
Daha sonra uşaqlara təsviri incəsənətin ən qədim növü sayılan “Ebru” sənəti haqda məlumatlar verilib, onların rəssamlıq bacarıqlarını inkişaf etdirmək imkanlar yaradılıb, müəllimlərlə birlikdə rəsm əsərləri çəkiblər.
Uşaqlara qələbəmizdən, zəfərimizdən, qəhrəman şəhidlərimizdən bəhs edən xüsusi illüstrasiyalı kitablar hədiyyə edilib.

Müzəffər Ali Baş Komandan, Azərbaycan Respublikasının Prezidenti cənab İlham Əliyevin rəhbərliyi ilə xalqımızın qələbə qazandığı 44 günlük Vətən Müharibəsi zamanı qəhrəmanlıqla döyüşərək şəhidlik zirvəsinə ucalmış Abşeronlu igidlərimiz, onların ailə üzvləri və qazilər Ramazan bayramı ərəfəsində yad edilmişdir. Bununla əlaqədar olaraq Abşeron Rayon İcra Hakimiyyətinin başçısı Abdin Fərzəliyev, hüquq mühafizə orqanlarının rəhbərləri, icra nümayəndəlikləri, YAP Abşeron Rayon Təşkilatının sədri, şəhid ailələri İkinci Fəxri Xiyabana, Xırdalan şəhərində yerləşən Şəhidlər Xiyabanına və o cümlədən, rayonun kənd və qəsəbələrinə gedərək vətənimizin bütövlüyü uğrunda canından keçmiş bütün şəhidlərimizin məzarlarını ziyarət etmiş, abidələri üzərinə tər çiçəklər düzmüş, əziz xatirələri ehtiramla yad etmiş, ruhlarına dualar oxumuşlar.
Bildirilmişdir ki, xalqımızın cənab Prezidentimiz və “Dəmir yumruq” ətrafında sıx birləşməsi, Azərbaycan ordusunun döyüş əzmi, şəhidlərimizin və qazilərimizin şücaəti sayəsində 30 illik vətən həsrətinə son qoyulmuş, torpaqlarımız düşmən tapdağından azad edilmişdir. Azərbaycanın qüdrətli orduya malik olduğu qeyd edilərək bundan sonra vətənimizə qarşı yönələ biləcək bütün təxribatların qarşısı yerindəcə məhv ediləcəyi vurğulanmışdır.
Ölkəmizdə şəhid ailələrinə və qazilərə, ümumilikdə müharibə iştirakçılarına dövlət səviyyəsində böyük diqqətin göstərildiyi, onların həyatlarının hər bir anında Azərbaycan Respublikasının Prezidenti cənab İlham Əliyevin və Birinci Vitse-prezident Mehriban xanım Əliyevanın qayğısını hiss etdikləri bildirilmişdir.
Xalqımızın bütün bayram və şad günlərində şəhid ailələrinin və qazilərin diqqətdə saxlanılacağı önə çəkilərək Abşeron rayonunda onlara bundan sonra da daimi olaraq qayğının göstəriləcəyi qeyd edilmişdir.
RİH başçısı şəhid ailələri ilə görüşərək onların qayğıları və problemləri ilə maraqlanmışdır.
Daha sonra RİH başçısı Abdin Fərzəliyev Vətən Müharibəsi şəhidi Ağakişiyev Nurlanın atası, Birinci Qarabağ Müharibəsi qazisi Etibar Ağakişiyevin evinə gedərək onun bayramını təbrik etmiş, ailənin qayğıları ilə maraqlanmışdır.
Şəhid ailələri də onlara dövlət səviyyəsində hər zaman böyük diqqət və qayğının göstərildiyini qeyd edərək buna görə cənab Prezident İlham Əliyevə və Birinci Vitse-prezident Mehriban xanım Əliyevaya minnətdarlıqlarını ifadə etmişlər.

***
Azərbaycan Respublikasının Prezidenti cənab İlham Əliyevin müvafiq sərəncamları ilə “Vətən uğrunda”, “Cəbrayılın azad olunmasına görə” və “Füzulinin azad olunmasına görə” medallarına layiq görülən şəhid İbadov Rauf Məhərrəm oğlunun 26-cı doğum günü qeyd edilmişdir. Abşeron Rayon İcra Hakimiyyətinin başçısı Abdin Fərzəliyev, rayonun hüquq-mühafizə orqanlarının rəhbərləri, YAP Abşeron Rayon Təşkilatının sədri, şəhid ailələri və qazilərlə birgə Saray qəsəbəsindəki Şəhidlər Xiyabanına gələrək şəhidimizin məzarını ziyarət etmiş, vətənimizin bütövlüyü uğrunda canından keçmiş bütün şəhidlərimizin əziz xatirəsi yad edilmiş, ruhlarına dualar oxunmuş, məzarları üzərinə tər çiçəklər düzülmüşdür.
Anım tədbirdində şəhidimizin keçdiyi döyüş yolundan danışılmış, onun göstərdiyi xidmət və şücaətdən bəhs edilmişdir.
Günün sonunda RİH başçısı Abdin Fərzəliyev şəhid R.İbadovun əvvəllər yaşadığı Saray qəsəbəsindəki evlərinə gədərək onun ailə üzvləri ilə görüşmüş, onların problemləri və qayğıları ilə maraqlanmışdır.
Şəhid ailəsi də onlara dövlət səviyyəsində hər zaman böyük diqqət və qayğının göstərildiyini qeyd edərək buna görə cənab Prezident İlham Əliyevə və Birinci Vitse-prezident Mehriban xanım Əliyevaya minnətdarlıqlarını ifadə etmişlər.

***
Azərbaycan Respublikasının Prezidenti cənab İlham Əliyevin vətəndaşların müraciətlərinin operativ həlli ilə bağlı göstərişlərinə uyğun olaraq Abşeron rayonunda silsilə vətəndaş qəbulları keçirilmişdir. Hökməli qəsəbəsində baş tutan növbəti səyyar-qəbulda Abşeron Rayon İcra Hakimiyyətinin başçısı Abdin Fərzəliyev, hüquq-mühafizə orqanlarının, xidmət təşkilatlarının rəhbərləri, YAP Abşeron Rayon Təşkilatının sədri, şəhid ailələri, qazilər və qəsəbə sakinləri iştirak etmişdir.
İştirakçılar əvvəlcə Hökməli qəsəbə tam orta məktəbin həyətində ucalan Şəhidlər Abidəsini ziyarət etmiş, ölkəmizin bütövlüyü uğrunda canından keçmiş qəhrəmanlarımızın əziz xatirəsini anmışlar.
Səyyar qəbulda çıxış edən Abdin Fərzəliyev ölkəmizin sürətli sosial-iqtisadi inkişafından, Vətən Müharibəsində qazanılan zəfərdən, respublikamızdakı ictimai-siyasi sabitlikdən, həmçinin ölkə rəhbərliyinin tapşırıqlarına uyğun olaraq Abşeronda həyata keçirilən sosial infrastruktur layihələrdən danışaraq qeyd etmişdir ki, Hökməli qəsəbəsində gedən kütləvi məskunlaşma bir sıra sosial və infrastruktur məsələlərinin ortaya çıxmasına səbəb olmuşdur. Yerlərdə müşahidə edilən problemlərin dərindən araşdırıldığını və həlli istiqamətində layihələrin hazırlandığını vurğulayan RİH başçısı sakinlərin istək və arzularının, eləcə də onları narahat edən məsələlərin öyrənilməsi baxımından səyyər qabulların əhəmiyyətini qeyd etmişdir.
Daha sonra çıxış edən sakinlər şəhid adlarının küçələrə verilməsində, qəsəbənin inzibati ərazisinə daxil olan və “Sevil”, “Sonalı”, “Nübar” və “Atyalı” adlandırılan yaşayış massivlərində illərdən bəri yığılıb qalan mülkiyyət problemlərinin həll olunmasında, su-kanalizasiya, o cümlədən digər kommunikasiya xəttlərinin çəkilməsində, daxili küçələrin abadlaşdırılmasında köməklik göstərilməsini xahiş etmişlər.
Növbəti gün isə Abşeron Rayon İcra Hakimiyyətinin inzibati binasında ənənəvi vətəndaş qəbulu keçirilmişdir. Qəbulda RİH başçısı Abdin Fərzəliyev, şəhid ailələri, qazilər və rayon sakinləri iştirak etmişdir.
Tədbirdə sakinlər rayon ərasisində salınan yeni yaşayış massivlarınə qaz xəttinin çəkilməsində, “AAAF Park” Yaşayış Kompleksində vətəndaşların üzləşdikləri problemlərin həllində, işlə təmin olunmaqda və digər məsələlərin həllində köməklik göstərilməsini xahiş etmişlər.
Sakinlər tərəfindən qaldırılan məsələlər yerindəcə həll olunuş, müəyyən vaxt tələb edən digər məsələlərin həlli istiqamətində isə müvafiq tapşırıqlar verilmişdir.

Abşeron rayonunda silsilə tədbirlər keçirilib

« Kasım 2024 »
Pt	Sa	Çr	Pr	Cu	Ct	Pz
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

« Kasım 2024 »
Pt	Sa	Çr	Pr	Cu	Ct	Pz
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

« Kasım 2024 »
Pt	Sa	Çr	Pr	Cu	Ct	Pz
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30