İkram Vəliyev: Torpaqlarımızın hər zərrəsi uğrunda canı, qanı bahasına vuruşan igid Azərbaycan əsgəri və xalqımızın birliyi sayəsində qazandığımız parlaq qələbəmiz gələcəyə yeni imkanlar yaradır

Xəbər başlıqları

13:21 – Prezidentdən göstəriş: geniş islahat paketi hazırlanır
11:04 – İlham Əliyev Leonid Slutski ilə görüşüb
14:08 – Prezident SABAH proqramı ilə bağlı sərəncam imzaladı
12:25 – İlham Əliyev Şimali Makedoniya Prezidenti ilə görüşüb

İkram Vəliyev: Torpaqlarımızın hər zərrəsi uğrunda canı, qanı bahasına vuruşan igid Azərbaycan əsgəri və xalqımızın birliyi sayəsində qazandığımız parlaq qələbəmiz gələcəyə yeni imkanlar yaradır

3-07-2021, 13:13 177 dəfə baxılıb

Göyçay rayon İcra Hakimiyyəti başçısının I müavini İkram Vəliyev - 1988-2020. Düz 30 il. Ağrılı-acılı, qanlı-qadalı illər. Müharibənin soyuq üzü. Qaçqınlıq, didərginlik, anaların saçlarında xınalanan şəhid qanı. Daha nələr, nələr... Torpağımıza göz dikən mənfur ermənilər. Bir millətin başına zaman-zaman gətirilən müsibətlər.

Bu məqaləni qalib bir xalqın nümayəndəsi kimi yazmaq çox möhtəşəm və qürurverici

bir hisdir. Sözsüz, bu tarixi qələbəni bizə yaşadanlara-şəhid və qazilərimizə bir ömür xalq olaraq minnətdar olacağıq. Bu qələbənin başlanğıcı məhz 2020-ci iyul ayında baş verən “Tovuz döyüşləri”ilə bağlıdır. General-mayor, Azərbaycan xalqının Milli qəhrəmanı Polad Həşimovun şəhid olması ilə milyonluq xalq birləşdi və xalq-ordu birliyi sayəsində düşmən üzərində parlaq qələbə qazandıq. Bu qələbə bizə tarixi və əzəli Azərbaycan torpağı olan “Qarabağ”ı qaytardı. Ordu və xalqın birliyi ilə yanaşı, bu 44 günlük “Vətən müharibəsi”ndə cənab prezidentin yürütdüyü uğurlu xarici siyasət və “Dəmir yumruq” əməliyyatı öz sözünü dedi. Prezident İ.Əliyev Vətən müharibəsi dövründə xarici media orqanlarına verdiyi müsahibələrlə həqiqətləri çatdırmışdır. Qazandığımız qələbə sayəsində həm ərazi bütövlüyümüzü və həm də Azərbaycan xalqının nə qədər mübariz, həmrəy və nümunəvi xalq olduğunu dünya görmüşdür. Belə ki, müzəffər Azərbaycan ordusunun əzmi, mübarizliyi və dönməzliyi ilə əldə etdiyi tarixi qələbə dövlətimiz və xalqımızın mənafeyi baxımından çox önəmlidir.

30 ilə yaxın müddətdir ki, mənfur düşmənin tapdağı altında qalmış torpaqlarımızın azad edilməsi ilk öncə Azərbaycan xalqının özünə inamını geri qazandırdı. Torpaqlarımızın hər zərrəsi uğrunda canı, qanı bahasına vuruşan igid Azərbaycan əsgəri və xalqımızın birliyi sayəsində qazandığımız parlaq qələbəmiz gələcəyə yeni imkanlar yaradır. Bu imkanlardan biri işğaldan azad edilən ərzilərimizin zəngin iqtisadi potensialının olması və həmçinin kənd təsərrüfatı baxımından olan imkanlardır. Bu ərazilərimiz həmçinin məhsuldar torpaqlarla da zəngindir.

Cənab Prezidentin iştirakı ilə fevralın 14-də Füzuli rayonunda Horadiz-Ağbənd dəmir yolu xəttinin təməli qoyulmuşdur. Bu nəqliyyat infrastrukturu azad olunan ərazilərə gediş-gəliş üçün mühüm əhəmiyyətə malik olacaq. Ən mühüm cəhətlərdən biri odur ki, işğaldan azad edilmiş ərazilərə cənab Prezidentin hər səfəri yeni quruculuq işlərinin təməlinin qoyulması ilə əlamətdar olur. Və göründüyü kimi azad olunmuş ərazilərimiz sürətlə bərpa ediləcək, Qarabağa böyük qayıdış ən yüksək səviyyədə həyata keçiriləcək. “Vətən müharibəsi”ndə qazandığımız qələbə Azərbaycan tarixinin ən parlaq guşəsidir.

Rayon icra hakimiyyətinin başçısı növbəti videokonfrans keçirdi

Rayon İcra Hakimiyyətinin başçısının sədrliyi ilə rayon ərazisində qurban bayramı günlərində qurbanlıq qoyunların satışı, kəsimi, taxıl və dənli bitkilərin yetişməsi və yığımı mövsümündə yanğın təhlükəsizliyi tələblərinə əməl edilməsi və peyvənd işlərinin aparılması ilə bağlı videokonfrans formatında növbəti iclası keçirildi.
Videkonfransda rayon İcra Hakimiyyəti başçısının inzibati ərazi dairələri üzrə nümayəndələri, hüquq-mühafizə orqanlarının, Dövlət Aqrar İnkişaf Mərkəzinin rayon şöbəsinin, Fövqəladə Hallar Nazirliklərinin yerli qurumlarının və digər aidiyyəti qurumların nümayəndələri iştirak etmişlər.
Rayon İcra Hakimiyyətinin başçısı videkonfransda çıxış edərək pandemiyaya qarşı mübarizənin vəziyyəti və peyvəndləmə prosesinin gedişi, peyvəndlənmənin əhəmiyyətinə dair maarifləndirmə işinin daha da genişləndirilməsi, peyvənd vurulması prosesini sürətləndirilməsi və nəzarətin gücləndirilməsi tapşırıqlarını bir daha konfrans iştirakçılarının diqqətinə çatdırmışdır.
Qarşıdan gələn «Qurban Bayramı» ilə əlaqədar kəsim prossesinin həyata keçirilməsində müvafiq tövsiyə və təlimatlara uyğun işlərin təşkil etməli, qaydalarla müəyyən edilmiş yerlərdə zəruri profilaktik, o cümlədən dezinfeksiya tədbirləri həyata keçirilməli, insanların kütləviliyinə, sıx toplaşmasına, habelə ictimai yerlərdə icazəsiz qurbanlıq heyvanların kəsilməsinə və satışının təşkilinə yol verilməməlidir.
Yanğln təhlükəsizliyi ilə bağlı qeyd olundu ki, rayon ərazisindən keçən respublika üçün strateji əhəmiyyətə malik olan hava elektrik verilişi xətlərinin mühafizə zonasında yanğın hadisələrinin qarşısının alınması məqsədilə rayon İcra Hakimiyyəti başçısının 24 iyun 2021-ci il tarixli 66 saylı sərəncamı əsasında ilə rayon İcra Hakimiyyəti başçısının sədrliyi ilə Kənd Təsərrüfatı, Ekologiya və Təbii Sərvətlər, Fövqəladə Hallar Nazirliklərinin yerli qurumlarının hüquq-mühafizə orqanlarının, rayon İcra Hakimiyyəti başçısının inzibati ərazi dairələri üzrə və digər aidiyyəti qurumların nümayəndələrindən ibarət xüsusi qərargah yaradılmışdır.
Yanğın hadisələrinin baş verməsinin qarşısını almaq, yanğın barədə operativ məlumatların verilməsini təmin etmək və yanğınların söndürülməsində yerli sakinlərin iştirakını təmin etmək üçün hər bir nümayəndəliyin ərazisində operativ qruplar yaradılmışdır.
Kənd təsərrüfatı məhsullarının oddan qorunması tək yanğından mühafizə orqanları əməkdaşlarının işi deyil, həm də aqrar sahədə, o cümlədən fermer təsərrüfatında çalışan bütün əməkçilərin, təsərrüfat başçılarının, traktorçuların, kombaynçıların, mexanizatorların, mexaniklərin, sürücülərin və s. ümdə vəzifəsi olmaqla, həm də ümumxalq qayğısıdır. Yerlərdə bələdiyyələr, rayon polis şöbəsinin nümayəndələri ilə bu işə ciddi nəzarət etməlidirlər.

« Kasım 2024 »
Pt	Sa	Çr	Pr	Cu	Ct	Pz
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

« Kasım 2024 »
Pt	Sa	Çr	Pr	Cu	Ct	Pz
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

« Kasım 2024 »
Pt	Sa	Çr	Pr	Cu	Ct	Pz
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30