Dünyanın bütün ölkələrində VPN xidmətlərinin mərhələli şəkildə bloklanması qaçılmazdır.

Valyuta.az xəbər verir ki, bu barədə ekspert German Klimenko NSN portalına müsahibəsində bildirib.

O, Avropa Parlamentinin Tədqiqat Xidmətinin (EPRS) VPN-ləri yaş məhdudiyyətlərinin (“18+”) yoxlanılması sistemini yan keçməyə imkan verən təhlükə kimi qiymətləndirməsini şərh edib.

Klimenkonun sözlərinə görə, Avropa bu problemə ilk dəfə ciddi miqyasda rast gəlib: “Avropa İttifaqında bu məsələyə indiyədək ciddi diqqət yetirilmirdi, çünki problem kiçik görünürdü. Amma yaş məhdudiyyətləri məsələsi ortaya çıxanda bu mövzu gündəmə gəldi.

Onun fikrincə, gələcəkdə digər ölkələr də oxşar addımlar atacaq: “Bütün ölkələrdə vəziyyət təxminən eyni olacaq”.

Ekspert əlavə edib ki, VPN xidmətlərinin məhdudlaşdırılması beynəlxalq səviyyədə internet resurslarının əlçatanlığına da təsir göstərə bilər. Məsələn, Almaniyada müəyyən VPN-lərin bloklanması bəzi saytlara girişin məhdudlaşmasına səbəb ola bilər. Onun fikrincə, gələcəkdə VPN xidmətləri ciddi nəzarət altında fəaliyyət göstərməyə məcbur olacaq və hətta bəzi hallarda Seyşel adaları kimi yerlərə yönləndirilə bilər.

“Bütün dövlətlər müxtəlif intensivliklə VPN xidmətlərindən öz qanunvericiliyinə əməl etməyi tələb edəcəklər. Bu, qaçılmazdır”, deyə o vurğulayıb.

---

---