ABŞ prezidenti Donald Trampın Vaşinqton tərəfindən İsrail Müdafiə Qüvvələrinin Livana əlavə zərbələrinin qadağan edildiyinə dair açıqlaması baş nazir Benyamin Netanyahu üçün şok effekti yaradıb.

Məlumatı "Axios" mənbələrə istinadən yayıb. Mənbələrə görə, "Netanyahu və onun köməkçiləri prezidentin açıqlamasından şoka düşüblər", bu açıqlama "Axios"a görə, İsrail və Livan arasında atəşkəs sazişinin mətninə ziddir. Portalın mənbələri bildiriblər ki, İsrail "Ağ Evdən aydınlıq istəyib".

Axios qeyd edir ki, Amerika liderinin paylaşımında İsrailin itaət edə bilməyəcəyi bir əmr verməsi "digər ABŞ administrasiyaları üçün ağlasığmaz olardı".

Qeyd edək ki, daha əvvəl Tramp Truth Social-da belə bir paylaşımla çıxış edib: "İsrail artıq Livanı bombalamayacaq. Onlara ABŞ tərəfindən bunu etmək qadağan olunub. Yetər!”

---

---