Çeçenistan rəhbəri Ramzan Kadırov düşmənlərinə müraciət edərək səhhəti ilə bağlı yayılan şayiələrə cavab verib.

Bu barədə lent.az xəbər verir.

"Bir daha təkrar edəcəyəm ki, düşmənlərimiz bilsinlər: mən sağlamam", - Kadırov deyib.

O, onu da izah edib ki, respublikada bütün sahələrdə iş köklü və uğurlu olduğundan hər gün görüş keçirməyə ehtiyac yoxdur. Sonda Kadırov rəsmilərə planlarına çatmaqda uğurlar arzulayıb.

Bundan əvvəl internetdə Ramzan Kadırovun Türkiyədə çimərlikdə xilas edilməsi ilə bağlı şayiələr yayılıb.

Tezliklə Çeçenistan rəhbəri məşq zalından videosunu yayıb. Kadırov videonu ciddi idmana ara verməsi lazım olduğunu bildirən başlıq ilə müşayiət edib. O, bunun konkret nə ilə bağlı olduğunu açıqlamayıb.

---

---