Türkiyə tarixi çoxsaylı çətinliklərdən, qələbələrdən və dönüş nöqtələrindən ibarətdir. Bu dönüm nöqtələrindən biri də 15 iyul 2016-cı il tarixində baş verən qanlı çevriliş cəhdidir. Həmin gecə təkcə Türkiyə üçün deyil, bütün dünya üçün bir mesaj verildi: "Xalqın iradəsi heç bir silahla məğlub edilə bilməz."

2016-cı ilin 15 iyul gecəsində FETÖ (Fətullahçı Terror Təşkilatı) adlı terror şəbəkəsinə bağlı bir qrup hərbçi Türkiyə Respublikasının demokratik yollarla seçilmiş hakimiyyətini devirmək məqsədilə silahlı çevrilişə cəhd etdi. Ankara və İstanbul başda olmaqla bir çox şəhərlərdə tanklar küçələrə çıxdı, silahlar xalqa çevrildi, dövlət binaları bombalandı.

Lakin planlaşdırılmış bu xain hərəkətin qarşısını alan əsas qüvvə xalqın özü oldu. Türkiyə vətəndaşları prezidenti Rəcəb Tayyib Ərdoğanın çağırışı ilə küçələrə axışdı. Əllərində silah yox idi, amma qəlblərində vətən sevgisi və demokratiya naminə ölməyə hazır bir ruh vardı. O gecə Türk milləti iradəsini, qətiyyətini və şücaətini bütün dünyaya göstərdi. Çevriliş cəhdinin qarşısı məhz xalqın bu əzmkar duruşu sayəsində alındı.

15 iyul hadisəsi göstərdi ki, silahlı qüvvələr nə qədər güclü olsalar da, xalqın iradəsi hər şeydən üstündür. Minlərlə insan küçə və meydanlarda toplaşaraq tanka, topa, gülləyə sinə gərdi. Bir çox insan şəhid oldu, minlərlə vətəndaş yaralandı. Amma sonda demokratiya qalib gəldi.

Bu hadisə eyni zamanda bütün dünyaya demokratiyanın nə qədər dəyərli və qorunmağa layiq bir sistem olduğunu sübut etdi. Türkiyə tarixinə düşən bu gecə, həm də yeni bir milli həmrəylik nümunəsi oldu. Siyasi mənsubiyyətindən asılı olmayaraq, bütün fərqli təbəqələr və siyasi partiyalar çevrilişə qarşı birləşdi.

15 iyul yalnız bir çevriliş cəhdinin qarşısının alınması deyil, Türkiyənin birlik və bərabərlik ruhunun oyanışıdır. Bu hadisə ilə xalq bir daha sübut etdi ki, millətin gücü və iradəsi önündə heç bir xain plan uğur qazana bilməz.

Hər il 15 İyul Demokratiya və Milli Birlik Günü kimi qeyd olunur. Bu gün şəhidlərin xatirəsi anılır, xalqın göstərdiyi qəhrəmanlıq bir daha yad edilir.

15 iyul 2016-cı il, Türkiyə tarixində sadəcə bir gün deyil; bu, xalqın demokratiyanı qorumaq üçün canını ortaya qoyduğu bir dönəm nöqtəsidir. O gecə Türk milləti bütün dünyaya mesaj verdi:

"Bu millət əsla boyun əyməz! Bu bayraq inməz, bu dövlət sarsılmaz!"

Bu tarixi hadisə həm Türkiyədə, həm də dünyada demokratiya uğrunda verilən mübarizələrin simvolu olaraq yaddaşlarda qalacaq.

---

---