Lionda naməlum şəxs yerli məsciddən müsəlmanların müqəddəs kitabını oğurlayıb və yandırıb.
"Bu barədə Rhone Departamentinin Məscidlər Şurası məlumat yayıb.
"İyunun 1-dən 2-nə keçən gecə Ərrahma məscidi İslamofobiyanın hədsiz qorxaq hərəkətinin hədəfi olub. Səhər saat 03:45 radələrində, azan oxunmasına təxminən 20 dəqiqə qalmış namaz zalına üzü açıq bir kişi daxil olub. O, Qurani-Kərimin bir nüsxəsini götürərək yandırıb, sonra isə binanın kənarında qoyub qaçıb, - məlumatda deyilir.
Məscidlər Şurası yerli hakimiyyət orqanlarından hücum edən şəxsin hərəkətlərini kəskin şəkildə pisləməyi xahiş edib. Hadisə ilə bağlı polisə şikayət edilib, araşdırma aparılır.
Mətndə səhv var? Onu siçanla seçin və Ctrl+Enter düyməsini basın.