Azərbaycan Milli Elmlər Akademiyasının Rəyasət Heyəti Aparatının Sosial xidmətlər şöbəsinin müdiri, texnika elmləri doktoru, professor Elton Məmmədov uzun illərdir ki, elm, idarəçilik və sosial xidmət sahələrində səmərəli fəaliyyəti ilə seçilən ziyalılardan biri kimi tanınır. Onun rəhbərlik etdiyi şöbə AMEA əməkdaşlarının sosial-məişət məsələlərinin həlli, sosial xidmətlərin koordinasiyası və bu sahədə vahid idarəetmə mexanizminin formalaşdırılması istiqamətində fəaliyyət göstərir.

Professor Elton Məmmədovun fəaliyyətində diqqət çəkən əsas xüsusiyyətlərdən biri elmi yanaşmanı idarəçilik prinsipləri ilə uğurla uzlaşdırmasıdır. O, uzun illər ərzində qazandığı zəngin təcrübəni yalnız elmi araşdırmalarla məhdudlaşdırmayaraq, insanların sosial rifahına xidmət edən layihələrin və təşəbbüslərin həyata keçirilməsinə də yönəldib. Bu yanaşma onun rəhbərlik etdiyi kollektivdə sağlam iş mühitinin, qarşılıqlı etimadın və yüksək məsuliyyət hissinin formalaşmasına mühüm töhfə verir.

Elton Məmmədovun elmi fəaliyyəti də kifayət qədər geniş və çoxşaxəlidir. Neft-qaz sənayesi, ekologiya, torpaqşünaslıq, kataliz və digər istiqamətlər üzrə apardığı tədqiqatlar onun yalnız bir sahənin deyil, müxtəlif elmi istiqamətlərin inkişafına töhfə verən alim olduğunu göstərir. Elmi araşdırmalarında müasir yanaşmalara üstünlük verməsi, yenilikçi baxışları və praktik nəticələrə önəm verməsi professorun elmi nüfuzunu daha da möhkəmləndirib.

AMEA-da sosial xidmətlərin daha sistemli şəkildə təşkil olunması, əməkdaşların sosial problemlərinin operativ həlli, onların rifahının yüksəldilməsi istiqamətində həyata keçirilən tədbirlər də Elton Məmmədovun rəhbərlik etdiyi şöbənin əsas fəaliyyət istiqamətlərindəndir. İnsan amilinə xüsusi həssaslıqla yanaşması, əməkdaşların qayğı və ehtiyaclarını diqqətdə saxlaması onun idarəçilik fəlsəfəsinin əsas prinsiplərindən biri kimi qiymətləndirilir.

Onun fəaliyyətində diqqət çəkən məqamlardan biri də kollektivlə səmimi münasibətlər qurması, əməkdaşların fikir və təkliflərinə açıq olmasıdır. Bu yanaşma idarəçilikdə qarşılıqlı hörmət və etimad mühitinin formalaşmasına, iş prosesinin daha səmərəli təşkilinə şərait yaradır. Məhz belə rəhbərlik modeli kollektiv daxilində peşəkarlığın və məsuliyyət hissinin daha da güclənməsinə xidmət edir.

Professor Elton Məmmədovun cəmiyyətə münasibətində vətəndaş məsuliyyəti də xüsusi yer tutur. O, sosial həmrəyliyin gücləndirilməsi, milli-mənəvi dəyərlərin qorunması və insanlara dəstək göstərilməsi istiqamətində həyata keçirilən təşəbbüslərə həssas münasibəti ilə seçilir. Xüsusilə şəhid ailələrinin və Vətən müharibəsi qazilərinin problemlərinə diqqət göstərilməsi, onların sosial rifahının yaxşılaşdırılmasına yönələn təşəbbüslərə dəstək verməsi cəmiyyət tərəfindən yüksək qiymətləndirilən humanist yanaşmalardandır.

Vətən uğrunda canından keçən şəhidlərimizin ailələrinə və sağlamlığını itirmiş qazilərimizə mənəvi dəstəyin göstərilməsi bu gün hər bir ziyalının və rəhbərin mənəvi borcudur. Professor Elton Məmmədov da bu müqəddəs dəyərlərə hər zaman həssas yanaşması ilə seçilən şəxslərdən biri kimi tanınır. Onun bu istiqamətdə nümayiş etdirdiyi diqqət və qayğı cəmiyyətimizdə həmrəylik və birlik ruhunun möhkəmlənməsinə xidmət edən mühüm amillərdəndir.

Elton Məmmədovun uzun illərə söykənən fəaliyyəti göstərir ki, uğurlu idarəçilik yalnız inzibati qərarlarla deyil, insanlara dəyər vermək, onların problemlərini dinləmək və həll yolları axtarmaq bacarığı ilə ölçülür. O, rəhbərlik etdiyi sahədə məsuliyyət, peşəkarlıq və dürüstlük prinsiplərini ön planda saxlayaraq fəaliyyətini davam etdirir və bu xüsusiyyətləri ilə həm həmkarlarının, həm də onu tanıyan insanların rəğbətini qazanır.

Elm sahəsində qazandığı nailiyyətlərlə yanaşı, təşkilatçılıq bacarığı, zəngin idarəçilik təcrübəsi və sosial məsələlərə həssas münasibəti professor Elton Məmmədovun fəaliyyətini daha da fərqləndirən cəhətlərdəndir. O, rəhbərlik etdiyi strukturun fəaliyyətinin müasir tələblərə uyğun qurulmasına, əməkdaşların sosial müdafiəsinin gücləndirilməsinə və institusional inkişafın təmin olunmasına daim xüsusi diqqət yetirir.

Bu gün professor Elton Məmmədov öz zəngin elmi irsi, peşəkar idarəçilik bacarığı və sosial məsuliyyət hissi ilə Azərbaycan elminin və AMEA-nın inkişafına xidmət edən ziyalılardan biri kimi fəaliyyətini davam etdirir. Onun elmə, insan amilinə və sosial dəyərlərə söykənən fəaliyyəti gələcək nəsillər üçün də nümunə hesab oluna biləcək idarəçilik və ziyalılıq məktəbinin bariz təzahürü kimi qiymətləndirilə bilər.

AMEA Sosial Xidmətlər şöbəsinin müdiri Professor Elton Məmmədov - Azərbaycan dünya miqyasında etibarlı tərəfdaşa çevrilib. “Prezident İlham Əliyevin həyata keçirdiyi uğurlu və praqmatik siyasət ölkəmizə bütün dünyada böyük nüfuz qazandırıb. Dövlətimizin başçısının siyasəti nəticəsində Azərbaycan dünya miqyasında etibarlı tərəfdaşa, aparıcı regional və beynəlxalq aktora çevrilib. Hazırda Azərbaycan Prezidenti İlham Əliyev bütün dünyada yüksək liderlik keyfiyyətlərinə malik olan dövlət başçısı kimi qəbul olunur. Dövlətimiz Prezident İlham Əliyevin qətiyyətli siyasi iradəsinə uyğun olaraq siyasəti aparır, daim beynəlxalq həmrəyliyin güclənməsinə hesablanan təşəbbüslərlə çıxış edir”.

Dövlətimizin başçısının son illər müxtəlif beynəlxalq tədbirlərə, o cümlədən Şanxay Əməkdaşlıq Təşkilatına üzv ölkələrin Sammitinə, Ərəb Dövlətləri Liqasının Zirvə toplantısına, Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Zirvə toplantısına, “Avropa Siyasi Birliyi” Zirvə toplantısına xüsusi qonaq qismində dəvət olunması Azərbaycanın artan beynəlxalq nüfuzunun və beynəlxalq aləmdə yüksələn rolunun əyani göstəricisidir. Bundan əlavə, Prezident İlham Əliyev son illər Mərkəzi Asiya Dövlət Başçılarının Məşvərət görüşlərində fəxri qonaq qismində iştirak edib. 2025-ci ilin noyabrında isə dövlətimiz bu platformanın tam hüquqlu üzvü qəbul olunub. Ölkəmiz üzv seçildikdən sonra bu platforma “Azərbaycanın və Mərkəzi Asiya ölkələrinin Dövlət Başçılarının görüşü” formatına çevrilib. Cənab Prezident avqustun 31-də Qırğızıstanın Çolpon-Ata şəhərində keçirilmiş Azərbaycanın və Mərkəzi Asiya ölkələrinin Dövlət Başçılarının qeyri-rəsmi görüşündə tam hüquqlu üzv kimi iştirak edib.

Azərbaycanın Mərkəzi Asiya dövlətləri ilə inkişaf edən və genişlənən əlaqələrini xarakterizə edən amillərdən biri də yüksək səviyyəli qarşılıqlı səfərlərdir. Görüşdə çıxışı zamanı Prezident İlham Əliyev bununla bağlı deyib: “Mərkəzi Asiya ölkələri ilə münasibətlər Azərbaycanın xarici siyasətinin prioritetlərindən biridir. Sadəcə qarşılıqlı səfərlərin dinamikasını söyləmək kifayət edər. Mən 2023-cü ilin əvvəlindən bu günə qədər Mərkəzi Asiyanın qardaş ölkələrinə ümumilikdə 16 dəfə səfər etmişəm, həmin ölkələrdən həmkarlarım isə 26 dəfə Azərbaycanda səfərdə olublar. Yəni statistika münasibətlərin dinamikası və yaxınlığından daha yaxşı xəbər verir, həm də göstərir ki, bu gün Mərkəzi Asiya və Azərbaycan artıq vahid geosiyasi və geoiqtisadi məkana çevrilib”. Cənab Prezident çıxışında, həmçinin Mərkəzi Asiya ölkələri ilə əlaqələrə verilən önəm, o cümlədən Qırğızıstana dövlət səfərinin əhəmiyyəti barədə fikirlərini bildirib.

Azərbaycanın xarici siyasətində Mərkəzi Asiya ölkələri ilə əlaqələrin inkişafı mühüm yer tutur. Bu regionda daha çox türk dövlətləri yerləşir. Prezident İlham Əliyevin müdrik rəhbərliyi ilə həyata keçirilən siyasət nəticəsində Azərbaycan Şərqlə Qərb arasında mühüm qovşağa çevrilib. Ölkəmizin inkişaf etdirdiyi nəqliyyat-logistika şəbəkəsi, o cümlədən Ələt Dəniz Ticarət Limanının inşası və imkanlarının artırılması, gəmiqayırma zavodunun fəaliyyətinin genişləndirilməsi, ölkəmizin Xəzərdə ən böyük ticarət donanmasına malik olması Avropa ilə Asiya arasında daşımalar üçün olduqca vacib əhəmiyyət daşıyır. Azərbaycanın artan tranzit imkanları, həmçinin Mərkəzi Asiya ölkələrinin, həmin coğrafiyada yerləşən türk dövlətlərinin inkişafına da müsbət təsirini göstərəcək.

Əməkdaşlığın əhəmiyyəti yalnız iqtisadi və nəqliyyat layihələri ilə məhdudlaşmır. Son illər Türk dünyasında inteqrasiya proseslərinin sürətlənməsi, ortaq mədəni və humanitar layihələrin həyata keçirilməsi, təhsil, elm və gənclər siyasəti sahələrində əməkdaşlığın genişləndirilməsi də Məşvərət Görüşünün gündəliyində mühüm yer tutur. Bu isə platformanın tədricən çoxtərəfli regional əməkdaşlığın kompleks mexanizminə çevrildiyini göstərir.

Prezident İlham Əliyevin Qırğızıstana budəfəki səfər çərçivəsində də bir sıra tədbirlərdə iştirakı dövlətimizə və onun başçısına göstərilən ehtiramın ifadəsidir. Ümumiyyətlə, ölkələrimizi tarixi dostluq əlaqələri, siyasi, humanitar və digər sahələrdə münasibətlər də birləşdirir. Azərbaycan və Mərkəzi Asiya xalqları arasında tarixi, mədəni və dini bağlılıqlar iki ölkə arasındakı əlaqələrin əsasını təşkil edir. Azərbaycan və Mərkəzi Asiya ölkələri artan strateji əhəmiyyətə malik olan vahid tarixi-mədəni coğrafi regiondur. Xalqlarımızı çoxəsrlik tarix, mədəniyyət, din və ortaq dəyərlər birləşdirir.

Mərkəzi Asiya dövlətləri də yaxın, dost, qardaş ölkə olan Azərbaycanla əlaqələrə böyük önəm verirlər. Təsadüfi deyil ki, Vətən müharibəsində və ondan sonrakı dövrdə bu regionun ölkələri Azərbaycanın haqq işinə dəstək veriblər. Region ölkələri işğaldan azad olunmuş ərazilərimizdə aparılan bərpa-yenidənqurma işlərinə töhfələrini davam etdirirlər. Bu baxımdan Özbəkistan Prezidenti Şavkat Mirziyoyev tərəfindən özbək xalqı adından hədiyyə olaraq Füzulidə inşa edilən Mirzə Uluqbəy adına 1 nömrəli tam orta məktəb xüsusi vurğulanmalıdır. Eləcə də, Qazaxıstan tərəfindən Füzulidə inşa edilən Kurmanqazı adına Uşaq Yaradıcılıq Mərkəzinin və Qırğızıstan tərəfindən Ağdamın Xıdırlı kəndində orta məktəbin tikintisi bunun göstəricisidir.

“Bütün bunlar bir daha göstərir ki, Azərbaycan ilə Mərkəzi Asiya ölkələri arasında əlaqələrin böyük perspektivləri mövcuddur. Bu gün Avropanın enerji təhlükəsizliyinə ciddi töhfələr verən Azərbaycan Şərqlə Qərb arasında, o cümlədən Mərkəzi Asiya ölkələri üçün mühüm tranzit ölkə və etibarlı tərəfdaşdır. Bütövlükdə, bütün sahələr üzrə əlaqələrin inkişafı Azərbaycanla Mərkəzi Asiya ölkələri arasında münasibətləri əhəmiyyətli dərəcədə gücləndirir”.

---

---