Nəsimi Nəsibov — Təbii sərvətlərin qorunmasında fədakar xidmət nümunəsi

Xəbər başlıqları

12:26 – Prezident yeni FƏRMAN İMZALADI:Güzəştli maliyyələşdirmə barədə
09:00 – Prezident İlham Əliyevin İranın Azərbaycana dron hücumuna dair fikirləri dünya mediasının diqqət mərkəzindədir
20:22 – Molla rejimini vəlvələyə salan çıxış - Sərhəddən çəkilirlər
20:17 – Prezidentin Təhlükəsizlik Şurasında çıxışının - Videosu

Nəsimi Nəsibov — Təbii sərvətlərin qorunmasında fədakar xidmət nümunəsi

23-05-2025, 12:17 20 dəfə baxılıb

“Respublikamızda ekoloji problemlərin həll edilməsi dövlətin daim diqqət mərkəzində olmuş, ətraf mühitin mühafizəsi üzrə milli fəaliyyət proqramı qəbul edilmiş, beynəlxalq ekoloji proqramların həyata keçirilməsi, təbii sərvətlərin bərpasının təmin edilməsi və mühafizəsi, milli parkların təşkili və ekoloji şəbəkənin yaradılması istiqamətində bir sıra mühüm işlər görülmüşdür”.

Heydər Əliyev
Azərbaycan xalqının Ümummilli Lideri

Azərbaycanın yaşıllıq örtüyünün qorunması, meşələrin bərpası və davamlı inkişafı sahəsində fədakar əməyilə seçilən peşəkar rəhbərlərdən biri də 11 saylı Regional Meşə Təsərrüfatı Mərkəzinin direktoru Nəsimi Nəsibovdur. Uzun illərdir meşə təsərrüfatı sahəsində çalışan, zəngin təcrübəyə və mükəmməl təşkilatçılıq bacarığına malik olan Nəsimi müəllim ölkəmizin təbii sərvətlərinin qorunması işinə dəyərli töhfələr verir.

Fəaliyyəti ilə yaşıl irsimizə sahib çıxır
Nəsimi Nəsibov rəhbərlik etdiyi 11 saylı Regional Meşə Təsərrüfatı Mərkəzində meşələrin qorunması, qanunsuz qırıntıların qarşısının alınması, yeni yaşıllıqların salınması, meşələrin bərpası və genişləndirilməsi sahəsində məqsədyönlü və sistemli fəaliyyət göstərir. Onun təşəbbüsü və rəhbərliyi ilə Masallı, Yardımlı, Lerik və digər cənub bölgələrində minlərlə ağac əkilmiş, təbiətin balansının qorunmasına nail olunmuşdur.

Xüsusilə meşəbərpa tədbirləri çərçivəsində müxtəlif ağac və kol bitkilərinin əkilməsi, torpağın münbitliyinə uyğun növlərin seçilməsi, suvarma və qulluq sistemlərinin təşkili sahəsində görülən işlər regionun ekoloji sabitliyinə ciddi töhfə verir.

Gənclərə təbiət sevgisi aşılayan rəhbər
Nəsimi Nəsibov təbiətə qayğını yalnız peşə işi kimi deyil, vətəndaşlıq və insani borc kimi görür. O, həmçinin maarifləndirmə tədbirlərinə xüsusi diqqət yetirir. Məktəblərdə, ictimai yerlərdə, ali və orta ixtisas təhsil müəssisələrində ekoloji mövzulu görüşlər və təlimlər təşkil olunması, gənclərə təbiətə qayğı hissinin aşılanması onun daim diqqət mərkəzində olan məsələlərdəndir.

Meşə təsərrüfatı işçilərinin peşə biliklərinin artırılması, sahədə çalışan işçilərin ixtisasartırma kurslarına cəlb olunması da idarənin fəaliyyətinin mühüm istiqamətlərindəndir.

Peşə bayramını layiqincə qarşılayan fədakar kollektiv
Bu gün – 23 may tarixində Ekologiya və Təbii Sərvətlər Nazirliyinin bütün əməkdaşları kimi, 11 saylı Regional Meşə Təsərrüfatı Mərkəzinin əməkdaşları da öz peşə bayramlarını qürur və iftixarla qeyd edirlər. Ətraf mühitin qorunmasına, yaşıllıqların salınmasına, təbiətin bərpasına verdikləri töhfələrlə bu şərəfli bayramı layiqincə qarşılamağı bacaran Nəsimi Nəsibov və onun rəhbərlik etdiyi kollektiv, xalq və dövlət qarşısında ekoloji mühitin sağlamlaşdırılması yönündə böyük missiya daşıyırlar.

Ekologiya və Təbii Sərvətlər Nazirliyi Ümummilli Lider Heydər Əliyevin 2001-ci il 23 may tarixli Fərmanı ilə yaradılıb. Prezident İlham Əliyevin 2007-ci il 16 may tarixli Sərəncamı ilə hər il mayın 23-ü ölkəmizdə Ekologiya və Təbii Sərvətlər Nazirliyi işçilərinin peşə bayramı kimi qeyd olunur.

Ekologiya və Təbii Sərvətlər Nazirliyi Azərbaycan ərazisində, həmçinin Xəzər dənizinin ölkəmizə aid hissəsində ətraf mühitin qorunması, təbiətdən istifadənin təşkili, hidrometeoroloji proseslərin müşahidəsi və proqnozlaşdırılması istiqamətində dövlət siyasətini həyata keçirir. İndiki və gələcək nəsillərin sağlamlığının təmin edilməsi, iqtisadi potensialın qorunması, təbii ehtiyatlardan səmərəli istifadə olunması nazirliyin qarşısında duran başlıca məsələlərdir.

Ölkəmizdə bütün sahələrdə olduğu kimi, ekoloji problemlərin həlli, ətraf mühitin mühafizəsi, ekoloji tarazlığın bərpa edilməsi istiqamətində mühüm işlər görülüb. Ekoloji cəhətdən dayanıqlı sosial-iqtisadi inkişafa, meşələrin bərpa olunması və artırılmasına dair milli proqramlar uğurla yerinə yetirilib. Hazırda ətraf mühitin sağlamlaşdırılması və ekoloji tarazlığın qorunması sahəsində ardıcıl quruculuq işləri davam etdirilir. Beynəlxalq ekoloji proqramların həyata keçirilməsi, təbii sərvətlərin bərpasının təmin olunması və mühafizəsi, milli parkların və ekoloji şəbəkənin yaradılması istiqamətində görülən işlər də bu qəbildəndir.

Xalqımızın Ümummilli Lideri Heydər Əliyevin müəyyənləşdirdiyi ekoloji siyasət bu gün öz bəhrəsini verir. Azərbaycana rəhbərlik etdiyi bütün dövrlərdə Ulu Öndər Heydər Əliyev ətraf mühitin mühafizəsinə və insanların sağlamlığına təminat yaradan mütərəqqi texnologiyaya malik yeni müəssisələrin tikilməsinə, o cümlədən köhnə texnologiyaların yenisi ilə əvəz olunmasına, yaşıllıqların və parkların salınmasına xüsusi diqqət yetirib. Bunun məntiqi nəticəsi olaraq ölkəmizdə ekoloji şəraitin yaxşılaşdırılması və ətraf mühitin mühafizəsi sahəsində uğurlu nəticələr əldə edilib. Məhz Ulu Öndərin 1993-cü ildə xalqın tələbi ilə hakimiyyətə qayıdışından sonra paytaxt Bakının yaşıllaşdırılmasına, ekoloji tarazlığın bərpasına start verildi.

Bu gün Azərbaycanda ekoloji problemlər dövlət səviyyəsində həll olunur. Ulu Öndər Heydər Əliyevin siyasi kursunu uğurla davam etdirən Prezident İlham Əliyevin imzaladığı fərmanlarda, təsdiq etdiyi proqramlarda ekoloji mühitin yaxşılaşdırılması məqsədilə nəzərdə tutulan hədəflərin reallaşması üçün zəruri vəzifələr müəyyənləşdirilib, biomüxtəlifliyin mühafizəsi, meşəçiliyin inkişafı, yaşıllıqların artırılması və su ehtiyatlarının davamlı idarə edilməsi sahəsində müsbət nəticələr əldə olunub.

Ekoloqların peşə bayramı gününün təsis edilməsi, 2010-cu ilin ölkəmizdə “Ekologiya ili” elan olunması, dövlətimizin başçısı tərəfindən bu sahəyə aid sərəncamların verilməsi, yeni milli parkların yaradılması, ətraf mühitin qorunması, nadir və nəsli kəsilmək təhlükəsində olan bioloji növlərin artırılması, ekoturizmin inkişafı ilə bağlı həyata keçirilən tədbirlər sübut edir ki, ekoloji tarazlığın qorunması dövlətimizin siyasətinin prioritetləri sırasındadır.

Azərbaycanda ətraf mühit problemlərinin həlli istiqamətində genişmiqyaslı işlərin görülməsi, ekoloji vəziyyətin yaxşılaşdırılmasına yönəlmiş dövlət siyasəti ölkənin uzunmüddətli inkişaf strategiyasının mühüm tərkib hissəsidir.

Azərbaycan Respublikasının Prezidenti tərəfindən 2024-cü ilin “Yaşıl dünya naminə həmrəylik ili” elan edilməsi, dünyanın ən böyük və mühüm dövlətlərarası tədbirlərindən biri olan BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının (COP29) Azərbaycanda uğurla keçirilməsi və beynəlxalq səviyyədə kritik qərarların qəbulu ölkəmizin ətraf mühit sahəsində qlobal səylərə töhfə verməsi ilə yanaşı, iqlim dəyişmələrinin fəsadlarına qarşı fəal mübarizə aparmasının əyani göstəricisidir.

Ətraf mühitin, biomüxtəlifliyin qorunmasına və yaşıllaşdırmaya xidmət edən tədbirlər

Azərbaycanda intensiv olaraq meşəbərpa tədbirləri aparılır, yeni meşə massivlərinin yaradılması üçün ardıcıl ağacəkmə aksiyaları həyata keçirilir, ağac əkilməsinin, yaşıllıqların genişləndirilməsinin təşviqatı aparılır. Təkcə ötən il - "Yaşıl dünya naminə həmrəylik ili" çərçivəsində 8 milyondan çox ağac əkilib. Bu il isə "Konstitusiya və Suverenlik İli" çərçivəsində ağacəkmə aksiyaları davam edir.

İşğaldan azad olunmuş ərazilərdə meşə fondu torpaqlarının ümumi sahəsi 260 min hektar olub. İşğala qədərki dövrdə həmin ərazilərin 228-230 min hektara yaxını meşə örtüklü ərazilər idi. Təəssüf ki, ən çox zərər çəkən sahələrimiz məhz meşələrimiz olub. Həmin meşələr məqsədli şəkildə yandırılıb, istismar edilib. 54 min hektardan çox ərazi tamamilə məhv olunub. Əlbəttə ki, seyrəldilmiş ərazilərimiz də var. Bunlar da min hektarlarla ərazini əhatə edir. Bir hektara min ağac sayı ilə götürsək bu, 54 milyon ağacın məhvi deməkdir.

Ekologiya və Təbii Sərvətlər Nazirliyinin əsas prioritetlərindən biri də azad edilmiş ərazilərdə meşəbərpa işlərinin aparılması və həmin istiqamətdə həyata keçirilən layihələrdir.

Biomüxtəlifliyin mühafizəsi istiqamətində görülən işlərə ölkə ərazisində yeni xüsusi mühafizə olunan təbiət ərazilərinin yaradılması, azad edilmiş ərazilərdə qoruq və yasaqlıqların bərpası, həmçinin bir sıra heyvan növlərinin reintroduksiyası, su bioresurslarının artırılması tədbirlərini nümunə göstərmək olar.

2025-ci ilin əvvəlinə flora və faunanın qorunub saxlanması və təkrar istehsalı üçün ölkədə ümumi sahəsi 120,7 min hektar olan 10 dövlət təbiət qoruğu, sahəsi 421,4 min hektar olan 10 milli park və sahəsi 350,8 min hektar olan 24 dövlət təbiət yasaqlığı mövcuddur. Xüsusi mühafizə olunan təbiət əraziləri ölkə ərazisinin 10,3 faizini təşkil edir.

Ekologiya və Təbii Sərvətlər Nazirliyinin monitorinq xidmətləri tərəfindən 2024-cü ildə 1915 müəssisədə müvafiq müayinələr aparılıb və nəticədə su hövzələrinin çirkləndirilməsi üzrə tədqiq olunmuş müəssisələrin 41,5, atmosfer havasının çirkləndirilməsi üzrə tədqiqlənmiş müəssisələrin 47,9, torpaq ehtiyatlarının çirkləndirilməsi üzrə müayinəyə cəlb olunmuş müəssisələrin isə 25,7 faizində atılan tullantıların icazə verilən həddən artıq olması qeydə alınıb. Təbiəti mühafizə qanunvericiliyinin pozulmasına görə ötən il inzibati məsuliyyətə cəlb olunmuş 1526 nəfər vəzifəli şəxs və vətəndaşlara 1836 min manat məbləğində inzibati cərimə sanksiyası tətbiq edilib.

Faktlar və nəzərəçarpan müsbət dinamika onu göstərir ki, Ekologiya və Təbii Sərvətlər Nazirliyinin əməkdaşları təbiət keşikçisi kimi öz xidməti vəzifələrini müvəffəqiyyətlə yerinə yetirirlər. Nazirliyin işçilərinin hər ötən gün uğur zəncirinə yeni nailiyyət halqaları əlavə edəcəyinə və qarşıdakı illərdə yaşıl düşüncəmizi yaşıl reallığa çevirəcəyinə inanırıq.

Dövlət dəstəyi və Nəsimi Nəsibovun əzmkar fəaliyyəti
Azərbaycan Respublikasının Prezidenti cənab İlham Əliyevin rəhbərliyi ilə ölkəmizdə ekoloji tarazlığın qorunması və yaşıllıq ərazilərinin genişləndirilməsi üzrə həyata keçirilən siyasət çərçivəsində 11 saylı Regional Meşə Təsərrüfatı Mərkəzi də üzərinə düşən vəzifələri uğurla yerinə yetirir. Nəsimi Nəsibov bu siyasətin icrasında ön cəbhədə yer alaraq həm dövlət proqramlarını, həm də yerli təşəbbüsləri uğurla reallaşdırır.

Nəticə olaraq, Nəsimi Nəsibov yalnız peşəkar meşəçi deyil, həm də əsl təbiət dostudur. Onun rəhbərliyi ilə 11 saylı Regional Meşə Təsərrüfatı Mərkəzinin fəaliyyəti bu sahədə nümunəvi təcrübəyə çevrilmişdir. Ətraf mühitin qorunmasında göstərdiyi xidmətlərinə görə o, xalqın və dövlətin dərin etimadını qazanmışdır. Bu gün onun və bütün ekoloqların bayramıdır – təbiətə sevgi ilə xidmət edənlərin bayramı!

« Mart 2026 »
Pt	Sa	Çr	Pr	Cu	Ct	Pz
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

« Mart 2026 »
Pt	Sa	Çr	Pr	Cu	Ct	Pz
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

« Mart 2026 »
Pt	Sa	Çr	Pr	Cu	Ct	Pz
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31