Gəncə Şəhər İcra Hakimiyyətinin başçısı Niyazi Bayramov mütəmadi olaraq sakinlərlə səyyar görüşlər keçirir

Xəbər başlıqları

12:26 – Prezident yeni FƏRMAN İMZALADI:Güzəştli maliyyələşdirmə barədə
09:00 – Prezident İlham Əliyevin İranın Azərbaycana dron hücumuna dair fikirləri dünya mediasının diqqət mərkəzindədir
20:22 – Molla rejimini vəlvələyə salan çıxış - Sərhəddən çəkilirlər
20:17 – Prezidentin Təhlükəsizlik Şurasında çıxışının - Videosu

Gəncə Şəhər İcra Hakimiyyətinin başçısı Niyazi Bayramov mütəmadi olaraq sakinlərlə səyyar görüşlər keçirir

4-02-2017, 10:50 17 dəfə baxılıb

Niyazi Bayramov Türkiyədə baş vermiş zəlzələ nəticəsində həlak olan tələbənin yas mərasimində iştirak edib

Gəncə şəhər Cavadxan qəsəbəsində Türkiyənin cənub-şərq bölgəsində baş verən dəhşətli zəlzələdə həlak olan tələbə Şahin Vəliyevin yas mərasimi keçirilir.
Mərasimdə Gəncə Şəhər İcra Hakimiyyətinin başçısı Niyazi Bayramov, Türkiyənin Gəncədəki Baş konsulu Recep Öztop, Gəncə Şəhər İcra Hakimiyyəti başçısı Aparatının məsul əməkdaşları, bələdiyyə sədrləri, idarə, müəssisə və təşkilat rəhbərləri iştirak ediblər.
Niyazi Bayramov Şahin Vəliyevin ailə üzvlərinə dərin hüznlə başsağlığı verib, faciə qurbanlarına Allahdan rəhmət diləyib, yaralılara şəfa arzulayıb.
Xatırladaq ki, Malatya şəhərindəki İnönü Universitetində təhsil alan tələbələr Şahin Vəliyev, Samir Quliyev, Hümam İsmayıllı və Gündüz Nəzərzadə birgə kirayədə yaşadıqları bina zəlzələ nəticəsində çöküb və dördü də dağıntılar altında qalaraq həlak olublar. Üzünmüddət axtarışdan sonra həlak olan tələbələrin nəşləri 14 fevral tarixində tapılaraq ailələrinə təhvil verilib.
Onu da qeyd edək ki, 6 fevral 2023-cü il tarixində Türkiyənin cənub-şərq bölgəsində 7,6 və 7,7 maqnitudalı iki zəlzələ olub. Güclü yeraltı təkanlardan sonra bölgədə 6,6 maqnitudayadək yüzlərlə afterşoklar qeydə alınıb. Təbii fəlakət nəticəsində on minlərlə insan həlak olub, yüz minlərlə insan isə yaralanıb.

Gəncə Şəhər İcra Hakimiyyətinin başçısı Niyazi Bayramov mütəmadi olaraq sakinlərlə səyyar görüşlər keçirir

Gəncə Şəhər İcra Hakimiyyətinin başçısı Niyazi Bayramov N. Nərimanov adına 25 saylı tam orta məktəbdə şəhər sakinləri ilə görüşərək, onların qayğıları ilə maraqlanıb, şikayət və təkliflərini dinləyib.

Görüşdə Millət vəkili Pərvin Kərimzadə, Gəncə Şəhər İcra Hakimiyyəti başçısı Aparatının məsul əməkdaşları, bələdiyyə sədrləri, idarə, müəssisə və təşkilat rəhbərləri iştirak edib.

Əvvəlcə məktəbin şəhid məzunlarının xatirəsinə yaradılan güşə ziyarət olunub, önünə tər çiçəklər düzülüb.

Səyyar görüşdə vətəndaşlar tək-tək dinlənilib. Müraciətlər arasında işlə təminat, maddi yardımın göstərilməsi, içməli su xəttinin çəkilməsi, müalicə və digər məsələlər yer alıb.

Gəncə Şəhər İcra Hakimiyyətinin səlahiyyətlərinə aid olan məsələlərin bir çoxu yerindəcə öz həllini tapıb, digərlərinin araşdırılaraq həll edilməsi istiqamətində tapşırıqlar verilib.

Qeyd edək ki, Gəncə Şəhər İcra Hakimiyyətinin başçısı və Aparatın digər vəzifəli şəxsləri tərəfindən keçirilən görüşlərin əsasında vətəndaş məmnunluğu dayanır. Bu cür səyyar görüşlər və qəbullar bundan sonra da davam etdiriləcəkdir.

Niyazi Bayramov növbəti dəfə Türkiyənin Gəncədəki Baş Konsulluğunda olub

Gəncə Şəhər İcra Hakimiyyətinin başçısı Niyazi Bayramov və Millət vəkili Müşfiq Cəfərov Türkiyənin Gəncədəki Baş konsulu Recep Öztopla görüşüblər.
Görüşdə Niyazi Bayramov Azərbaycan Respublikasının Prezidenti İlham Əliyev tərəfindən qardaş ölkəyə hərtərəfli yardımın göstərilməsi ilə bağlı verdiyi tapşırıq və tövsiyələrdən bəhs edib. Eyni zamanda, Gəncə şəhərindən də Türkiyə Respublikasının zəlzələdən zərər görmüş ərazilərinə göndərilən humanitar yardımlar barədə məlumat verib.
Qeyd edək ki, Türkiyənin cənub-şərq bölgəsində 7.6 və 7.7 bal gücündə baş vermiş zəlzələ nəticəsində on minlərlə insan həlak olub və xəsarət alıb. Dağıntı altında qalanların axtarış-xilasetmə işləri davam edir.

Gəncə Şəhər İcra Hakimiyyəti Türkiyəyə 20 ton həcmində humanitar yardım göndərib

Gəncə Şəhər İcra Hakimiyyəti "Qardaş köməyi" platforması adı altında Türkiyənin cənub-şərqində baş vermiş zəlzələ nəticəsində zərər çəkənlərə humanitar yardım göndərib.

Gəncə Şəhər İcra Hakimiyyətinin başçısı Niyazi Bayramovun tapşırığına uyğun olaraq, yolasalma mərasimində icra başçısının birinci müavini Səməd Tomuyev və Aparatın məsul əməkdaşları, eyni zamanda Türkiyə-Azərbaycan İş Adamları və Sənayeçiləri İctimai Birliyi"nin (TÜİB) İdarə Heyətinin sədri Hüseyn Büyükfırat və İB-in üzvləri, Türkiyə Respublikasının Azərbaycandakı səfirliyinin məsul əməkdaşları iştirak ediblər.

Dəyəri 150 min manatlıq olan 20 tonluq humanitar yardım Bakı şəhərindən qardaş ölkəyə yola salınıb. Yardım paketinin 16 tonunu quru qida, 4 tonunu isə uşaq bezləri və gigiyenik vasitələr təşkil edir. "Qardaş köməyi" platforması çərçivəsində Gəncə Şəhər İcra Hakimiyyəti tərəfindən tədarük olunan yüklər Türkiyə-Azərbaycan İş Adamları və Sənayeçiləri İctimai Birliyi tərəfindən zəlzələ bölgəsinə çatdırılacaqdır.