Vladimir Putin tərəfdarı olan 37 yaşlı rusiyapərəst Sergey Obraztsov ölkəsinin Ukraynaya müdaxiləsini tənqid edən 29 yaşlı həyat yoldaşını polisə şikayət edib.

Obraztsov arvadı Yuliya Baykodan Rusiya-Ukrayna müharibəsi ilə bağlı anti-Rusiya hiss və düşüncələrini ifadə etdiyi üçün polisinə şikayət edərək, tədbir görülməsini istəyib.
Ukrayna əsilli Yuliya Boyko, müharibəni tənqid edənləri hədəf alan yeni sərt Rusiya qanunlarına görə təqsirli bilinərsə, həbs oluna bilər.

Sergey Rusiyanın Ukraynanı işğal etdiyi gün həyat yoldaşının isteriya içində ağladığını iddia edib. O, həmçinin həyat yoldaşının azyaşlı oğlu Maksimi vətəni Ukraynaya aparmaq istəməkdə günahlandırıb.
Rusiyalı ər bildirib ki, Yuliya qohumlarını Rusiyaya gəlib yaşamağa dəvət etsə də, onlar bundan imtina ediblər.

Həyat yoldaşının sosial şəbəkələrdə davamlı olaraq təxribat xarakterli paylaşımlar etdiyini deyən şəxs oğlunun da oxuduğu məktəbdə Rusiya əleyhinə şüarlar səsləndirdiyini və digər uşaqlarla mübahisə etdiyini iddia edib. O, əlavə edib ki, Yuliya müharibə əleyhinə ritorikasına görə artıq Rusiya polisi ilə problem yaşayır.

"The Sun Online"a danışan Yuliya deyib ki, yeddi illik həyat yoldaşından bir neçə dəfə ayrılmağa cəhd edib. Onun sözlərinə görə, Sergey müharibə şəraitindən istifadə edərək uşağını əlindən alıb.

Yuliya məhkəmədə ərinə etiraz edəcəyini söyləyib.

---

---