Ermənistanın cənubunda “Şimal–Cənub” nəqliyyat dəhlizinin bir hissəsi olan 32 kilometrlik Ağarak–Qacaran avtomobil yolunda genişmiqyaslı tikinti işləri aparılır.

Bu barədə SEPAH kanalı məlumat verib. Yolun sözügedən hissəsinin tikintisini İran şirkəti həyata keçirir. Ərazidə dağlıq relyef səbəbindən qayalar partladılır, yol infrastrukturu yaradılır və mürəkkəb mühəndis işləri görülür.

Layihə başa çatdıqdan sonra İranın cənub limanları ilə Qara dəniz limanları arasında Ermənistan ərazisindən keçən marşrut üzrə yükdaşımaların daha sürətli və intensiv həyata keçirilməsi nəzərdə tutulur.
Məlumata görə, bu yol İran üçün əlavə nəqliyyat marşrutlarının formalaşdırılması baxımından da əhəmiyyət daşıyır. Tehran bununla Bakı və Türkiyənin nəzarətində olan nəqliyyat dəhlizlərindən asılılığını azaltmaq üçün alternativ istiqamət əldə etməyi hədəfləyir.

32 kilometrlik Ağarak–Qacaran yolu Ermənistan ərazisindən keçən “Şimal–Cənub” nəqliyyat dəhlizinin cənub hissəsinin mühüm bağlantılarından biri hesab olunur.

---

---