Şərqi Aralıq dənizində geosiyasi gərginliyin artdığı bir vaxtda Türkiyə Prezidenti Rəcəb Tayyib Ərdoğanın Kiprlə bağlı sərt açıqlaması diqqət çəkib.

Ərdoğan bildirib ki, Türkiyə bölgədə gərginlikdən istifadə edərək Kipri yeni hərbi ittifaqların və geosiyasi hesabların bir hissəsinə çevirmək istəyənlərin bütün addımlarını diqqətlə izləyir.

"Bu səhvi edənlərə bir daha demək istəyirəm ki, tarix boyu olduğu kimi, 52 il əvvəl olduğu kimi, Türkiyə heç vaxt kiprli türkləri tək qoymayacaq", – deyə o vurğulayıb.

Türkiyə lideri əlavə edib ki, hansı bədəl tələb olunmasından asılı olmayaraq, keçmişdə yaşanan faciələrin yenidən təkrarlanmasına heç vaxt imkan verilməyəcək.

---

---