Ukrayna dronlarla Moskva Neft Emalı Zavoduna zərbə endirib.

Məlumatı Moskva meri Sergey Sobyanin təsdiq edib.

Onun sözlərinə görə, insan itkisi yoxdur.

Mer həmçinin Rusiya paytaxtına yaxınlaşan 60 Ukrayna dronunun zərərsizləşdirildiyini deyib.

Ukrayna mənbələri isə güclü yanğının baş verdiyi Moskva NEZ-dən görüntülər paylaşır.

Moskva vilayətinin daşıyıcısı olan "Mostransavto" şirkətinin mətbuat xidməti elan edib ki, şəhərin Kapotnya rayonunda nəqliyyatın hərəkəti Moskva Neft Emalı Zavoduna dron hücumundan sonra dayandırılıb: 305 nömrəli marşrut üzrə avtobuslar Verxnie Polya küçəsi boyunca hərəkət edir. Aşağıdakı dayanacaqlar müvəqqəti olaraq bağlanıb: "1-ci Kvartal Kapotnya", "Stadion" və "Demixov Xəstəxanasının Filialı".

Qeyd edək ki, bu neft emalı zavodu Kremldən 15 kilometr məsafədə yerləşir. Müəssisə Moskva yanacaq bazarının 40 faizə qədərini və Moskva və ətraf bölgənin benzin ehtiyacının təxminən 70 faizini təmin edir.

---

---