ABŞ Müdafiə Nazirliyi şənbə günü Küveytdə İrana məxsus pilotsuz uçuş aparatının (PUA) hücumu nəticəsində həlak olan dörd hərbçinin kimliyini rəsmən elan edib.

Pentaqon itkilərlə bağlı kədərini ifadə edərək, onların xidmət tarixinə dair təfərrüatları paylaşıb.

Hücum nəticəsində həyatını itirən hərbçilər aşağıdakılardır:

Kapitan Kodi A. Hork (35 yaş) – Uinter-Heyven, Florida;

1-ci dərəcəli serjant Noa L. Titjens (42 yaş) – Belvyu, Nebraska;

1-ci dərəcəli serjant Nikol M. Amor (39 yaş) – Uayt-Bir-Leyk, Minnesota;

Serjant Deklan C. Koudi (20 yaş) – Uest-De-Moyn, Ayova.

Pentaqonun məlumatına görə, hər dörd hərbçi şənbə günü Küveytdəki ABŞ bazasına yönələn kamikadze dronunun zərbəsi nəticəsində həlak olublar. Bu hadisə regionda İran və ABŞ arasındakı gərginliyin ən qanlı epizodlarından biri kimi qeydə alınıb.

ABŞ-ın bir neçə ştatında həlak olan hərbçilərin xatirəsinə dövlət bayraqlarının endirildiyi bildirilir. Rəsmi Vaşinqton bu itkilərə cavab olaraq hərbi tədbirlərin daha da sərtləşdiriləcəyinə dair siqnallar verir.

---

---