Milli azlıqların nümayəndələri də Ermənistanın hakim partiyasının 2026-cı il parlament seçkiləri üçün tərtib etdiyi seçki siyahısında yer alıblar.

Bu barədə Ermənistanın “Joğovurd” nəşri yazıb.

Nəşrə görə, məsələ ondadır ki, Ermənistan konstitusiyası parlamentdə milli azlıqların məcburi təmsilçiliyini təmin edir.

“Artıq məlum olduğu kimi, hazırkı çağırış parlamentdə Ermənistanın ən böyük 4 milli azlığından nümayəndələr var və onların üçü “Vətəndaş Müqaviləsi” fraksiyasının üzvləridir.

Məlumatımıza görə, bu dəfə də rus icmasının nümayəndəsi Aleksey Sandikov, yezidi icmasının nümayəndəsi Rüstəm Bakoyan, kürd icmasının nümayəndəsi, Ermənistan Respublikaçılar Partiyasının keçmiş deputatı, 80 yaşlı Knyaz Həsənov hakim partiyanın seçki siyahısında yer alıblar”, - deyə KİV bildirib.

Müəllif qeyd edib ki, hər üç şəxs hazırda Ermənistan parlamentində “Vətəndaş Müqaviləsi” fraksiyasının deputatlarıdır.

“Joğovurd”un mənbələrinin bildirdiyinə görə, siyahıya həmçinin aysor icmasının nümayəndəsi Arsen Mixaylov da daxil edilib.

“O, 6-cı və 7-ci çağırış parlamentlərinin deputatı olub, yenə “Vətəndaş Müqaviləsi” fraksiyasının, əvvəl isə Ermənistan Respublikaçılar Partiyasının üzvü olub.

Qeyd edilir ki, Rüstəm Bakoyan istisna olmaqla qalan üç nəfər partiya üzvü deyil və hakim partiyanın seçki siyahısına daxil edilmək üçün 1,5 milyon dram məbləğində ödəniş ediblər.

Qeyd edək ki, 2026-cı il seçkilərindən sonra Dont formuluna əsasən hansı namizədlərin növbəti parlamentə keçəcəyi bölüşdürüləcək”, - deyə nəşr bildirib.**Ordu.az

---

---