Amerikalı sahibkar İlon Mask “Wikipedia"ya rəqib olan “Grokipedia” adlı süni intellekt əsaslı ensiklopediyanı istifadəyə verib.

Bu barədə "Business Insider" məlumat yayıb.

Məlumata görə, portalın kitabxanasında istifadəyə verildiyi andan 885 mindən çox məqalə yer alıb.

"The Washington Post" isə yazır ki, "Grokipedia.com" saytı bir neçə saatdır fəaliyyət göstərir, lakin bəzi istifadəçilər onun işində səhvlərin müşahidə olunduğunu bildiriblər. Hazırda sayt, o cümlədən Azərbaycanda da əlçatan olan 0.1 versiyada fəaliyyət göstərir.

Əsas səhifədə istifadəçiyə axtarış sətrinə sorğu daxil etmək imkanı verilir. Alqoritm eyni zamanda istifadəçinin soruşmaq istəyə biləcəyi mümkün sualları təklif edir.

Təsdiqdən sonra istifadəçidən bir neçə tapılmış seçim arasından seçim etməsi istənir. Bu linklərə klikləmək istifadəçilərə axtardıqları məlumatları ehtiva edən mətni oxumağa imkan verir.

---

---