Suriyada yeni hökumətin təhlükəsizlik qüvvələri ilə keçmiş prezident Bəşər Əsəd tərəfdarları arasında toqquşmalar fonunda üç şəhərdə komendant saatı tətbiq edilib.

Tartus, Homs və Latakiyada məhdudiyyətlər elan edilib.

Məlumata görə, Latakiyanın ictimai təhlükəsizlik direktoru Mustafa Knefati bildirib ki, milislər Cəblə şəhəri və ətraf ərazilərdə ictimai obyektlərə basqın edib və onları məhv ediblər. Hələb, İdlib, Dəməşq, Həma və Homsda hökumətə dəstək nümayişləri keçirilib, onlarla insan iştirak edib.

Bundan əlavə silahlılarla toqquşmalar nəticəsində Suriya dövlət təhlükəsizlik xidmətinin azı 13 əməkdaşı həlak olub.

---

---