Bu gün səhər saatlarında Rusiyanın Fransanın Marsel şəhərindəki Baş Konsulluğunun ərazisində partlayış baş verib.

Hadisə yerində otuz nəfərə yaxın yanğınsöndürən və polis əməkdaşı cəlb olunub.

Məlumata görə, diplomatik nümayəndəliyin bağçasına iki molotov kokteyli atılıb.

İlkin olaraq Fransa mediası partlayışın konsulluğun yaxınlığında baş verdiyini yazıb.

Rusiyanın Marseldəki baş konsulu Stanislav Oranski “La Marseillaise” nəşrinə bildirib ki, partlayış diplomatik missiyanın binasında baş verib.

Bildirilir ki, hücum zamanı xəsarət alan olmayıb.

Rusiya Xarici İşlər Nazirliyinin sözçüsü Mariya Zaxarova hadisəsində terror aktının əlamətlərinin olduğunu bildirib.

---

---