Cəlilabad Rayon İcra Hakimiyyətinin başçısı Rafiq Cəlilov dövlətin müəyyən etdiyi sosial-iqtisadi inkişaf strategiyasını rayonda ardıcıl şəkildə həyata keçirməyə çalışan rəhbərlərdən biri kimi tanınır. Onun fəaliyyətində əsas diqqət mərkəzində vətəndaş məmnunluğu, insanların problemlərinin operativ həlli, rayonun abadlaşdırılması və davamlı inkişafın təmin olunması dayanır. İdarəçilikdə şəffaflıq, məsuliyyət və insan amilinə verilən önəm görülən işlərin əsas istiqamətlərindən biri kimi qiymətləndirilir. Məhz bu yanaşma rayon sakinləri ilə dövlət qurumları arasında qarşılıqlı etimadın daha da möhkəmlənməsinə xidmət edir.

Rafiq Cəlilovun fəaliyyətində diqqət çəkən mühüm istiqamətlərdən biri mütəmadi keçirilən səyyar qəbul və görüşlərdir. Rayonun kənd və qəsəbələrinə təşkil olunan səfərlər zamanı sakinlərin müraciətləri birbaşa dinlənilir, onların gündəlik qayğıları ilə yaxından maraqlanılır və qaldırılan məsələlərin həlli istiqamətində aidiyyəti qurumlara konkret tapşırıqlar verilir. Bu cür görüşlər insanların dövlət rəhbərliyinə olan inamını daha da artırmaqla yanaşı, yerli problemlərin operativ şəkildə həll olunmasına da mühüm töhfə verir.

Rayonda həyata keçirilən abadlıq və quruculuq işləri də inkişaf siyasətinin əsas göstəricilərindən hesab olunur. Küçələrin abadlaşdırılması, yolların yenilənməsi, yaşıllıq zolaqlarının salınması, sosial infrastrukturun yaxşılaşdırılması və yaşayış məntəqələrinin müasir görkəm alması istiqamətində görülən işlər Cəlilabadın simasını gündən-günə dəyişir. Bütün bunlar rayon sakinlərinin daha rahat və təhlükəsiz şəraitdə yaşamasına xidmət edən mühüm layihələr kimi dəyərləndirilir.

Möhtərəm Prezidentimiz cənab İlham Əliyevin regionların sosial-iqtisadi inkişafı ilə bağlı müəyyən etdiyi siyasət və verdiyi tapşırıqların yerli səviyyədə icrası daim diqqətdə saxlanılır. Dövlət başçısının vətəndaş məmnunluğunun təmin edilməsi, kənd təsərrüfatının inkişafı, sahibkarlığın dəstəklənməsi, yeni iş yerlərinin yaradılması və sosial rifahın yüksəldilməsi ilə bağlı müəyyən etdiyi prioritet istiqamətlər rayonun inkişaf proqramlarında öz əksini tapır. Bu yanaşma Cəlilabadın hərtərəfli inkişafına mühüm töhfə verir.

Kənd təsərrüfatı Cəlilabad rayonunun iqtisadi həyatında mühüm yer tutur. Fermerlərlə keçirilən görüşlər, istehsal müəssisələrinə baş çəkilməsi, məhsuldarlığın artırılması istiqamətində müzakirələrin aparılması və kənd təsərrüfatı sahəsində çalışan insanlara göstərilən diqqət rayon iqtisadiyyatının daha da güclənməsinə xidmət edir. Yerli istehsalın artırılması və sahibkarların fəaliyyətinə dəstək göstərilməsi bölgənin iqtisadi potensialının genişlənməsində mühüm rol oynayır.

Şəhid ailələrinə və qazilərə göstərilən diqqət və qayğı da fəaliyyətin önəmli istiqamətlərindən biridir. Müxtəlif əlamətdar günlərdə şəhid ailələrinin ziyarət olunması, qazilərlə görüşlərin keçirilməsi, onların sosial problemlərinin öyrənilməsi və həlli istiqamətində aidiyyəti qurumlarla birlikdə tədbirlərin görülməsi dövlətimizin bu kateqoriyadan olan insanlara göstərdiyi yüksək ehtiramın yerli səviyyədə davam etdirilməsinin nümunəsi kimi qiymətləndirilir. Vətən uğrunda canından keçən şəhidlərimizin ailələrinə və sağlamlığını itirmiş qazilərimizə diqqət göstərilməsi cəmiyyətimizdə həmrəylik və milli birlik ruhunu daha da gücləndirir.

Rafiq Cəlilovun idarəçilik fəaliyyətində vətəndaş müraciətlərinə həssas yanaşılması xüsusi yer tutur. Hər bir müraciətin araşdırılması, problemlərin qanunvericiliyə uyğun şəkildə həll edilməsi, insanların dövlət qurumlarına rahat çıxış imkanlarının yaradılması və ictimai dialoqun gücləndirilməsi rayon rəhbərliyinin əsas iş prinsiplərindən hesab olunur. Bu yanaşma vətəndaş məmnunluğunun yüksəldilməsinə xidmət edən mühüm amillərdəndir.

Rayonda təhsil, səhiyyə, sosial xidmət və digər sahələrdə həyata keçirilən layihələr də insanların rifahının yüksəldilməsinə yönəlib. Müasir sosial infrastrukturun yaradılması, dövlət proqramlarının icrası, əhalinin məşğulluğunun artırılması və sahibkarlığın inkişaf etdirilməsi istiqamətində görülən tədbirlər rayonun davamlı inkişafına yeni imkanlar qazandırır. Bu işlər insanların gündəlik həyatında müsbət dəyişikliklərin hiss olunmasına şərait yaradır.

Cəlilabad rayonunda dövlət-vətəndaş münasibətlərinin möhkəmləndirilməsi, ictimai həmrəyliyin qorunması və insanların problemlərinə operativ yanaşılması nəticəsində rayonun inkişafı ilə bağlı müsbət fikirlər daha da genişlənir. İdarəetmədə məsuliyyət, qarşıya qoyulan hədəflərə ardıcıl şəkildə nail olunması və insanların rifahına xidmət edən layihələrin həyata keçirilməsi rayonun gələcək inkişaf perspektivlərini daha da gücləndirən amillər kimi qiymətləndirilir.

Müasir idarəçilik yalnız inzibati qərarlarla deyil, insanlara yaxın olmaq, onların sevincini və qayğısını bölüşmək, cəmiyyətin hər bir üzvünün səsini eşitmək bacarığı ilə ölçülür. Məhz bu baxımdan rayonun müxtəlif yaşayış məntəqələrinə səfərlər, müəssisələrdə keçirilən görüşlər, sosial obyektlərə baş çəkilməsi və vətəndaşlarla açıq dialoq mühitinin formalaşdırılması idarəçilik fəlsəfəsinin əsas xüsusiyyətlərindən biri kimi diqqəti cəlb edir.

Təəssüf ki, bəzi hallarda görülən genişmiqyaslı işləri, həyata keçirilən sosial layihələri, vətəndaşlarla keçirilən görüşləri, şəhid ailələrinə və qazilərə göstərilən diqqət və qayğını işıqlandırmaq əvəzinə, ayrı-ayrı informasiya resurslarında yalnız tənqidi və qərəzli yanaşmalar üstünlük təşkil edir. Sağlam tənqid cəmiyyət üçün faydalı olsa da, əsassız iddialar, şər və böhtan xarakterli yazılar heç vaxt görülən real işlərin və insanların gündəlik həyatında hiss olunan müsbət dəyişikliklərin üzərindən xətt çəkə bilməz. Cəmiyyət hər zaman faktlara, əməli fəaliyyətə və konkret nəticələrə üstünlük verir. Dövlətin həyata keçirdiyi layihələr, vətəndaş məmnunluğunu artırmağa yönələn tədbirlər və rayonun inkişafı istiqamətində görülən işlər isə öz nəticələrini ən obyektiv şəkildə nümayiş etdirən əsas göstəricilərdir.

Cəlilabad Rayon İcra Hakimiyyətinin başçısı Rafiq Cəlilov -Müstəqil, güclü, günümüzün tələblərinə cavab verən, xalqın maraqlarını rəhbər tutan mətbuatın inkişafı və onun sərbəst fəaliyyəti üçün zəruri şəraitin yaradılması hər zaman dövlətimizin qarşısında duran prioritet vəzifələrdən olub. İndiyədək bu istiqamətdə daim sistemli iş aparılıb, ölkəmizin informasiya mühitinin sağlamlaşdırılmasını, media fəaliyyətinin potensialının və iqtisadi əsaslarının möhkəmləndirilməsini, rəqəmsal dövrün çağırışlarına uyğunlaşdırılmasını hədəfləyən normativ-hüquqi baza yaradılıb. İnformasiya resurslarının iqtisadi müstəqilliyinin gücləndirilməsi və jurnalistlərin sosial müdafiəsinin yaxşılaşdırılması məqsədilə əsaslı islahatlar həyata keçirilib. Artıq ölkə jurnalistlərinin peşə bayramı - 22 iyul - Milli Mətbuat Günü ərəfəsindəyik. Hər bir bayram keçilən yolun, dövrün çağırışlarına uyğun olaraq atılan addımların təhlilini bir zərurət kimi qarşıya qoyur. 1875-ci il iyulun 22-də görkəmli ziyalı və maarifçi-publisist Həsən bəy Zərdabi tərəfindən Azərbaycan dilində nəşr olunmağa başlamış “Əkinçi” qəzeti milli mətbuatımızın ilk nümunəsi və həmin dövr Azərbaycanın ictimai-siyasi həyatının mühüm hadisəsi kimi tarixə düşmüşdür. “Əkinçi”nin 1875-ci il iyulun 22-dən 1877-ci ilin sentyabrınadək cəmi 56 sayı işıq üzü görsə də, onun Azərbaycan milli mətbuatının təşəkkül tapmasında, inkişafında əvəzsiz rolu olub. Əsasən maarifçilik missiyasını üzərinə götürmüş “Əkinçi” qısa müddətdə o dövr Azərbaycanının həm ziyalı təbəqəsi, həm də sadə insanları arasında çox məşhurlaşmışdı. Lakin “Əkinçi”nin ömrü uzun sürmədi. Çar Rusiyası qəzetin insanların maariflənməsində, ictimai-siyasi proseslərə daha yaxından bələd olmasındakı rolundan çəkinməyə başladı və daha sonra qəzetin nəşrini dayandırdı. Buna baxmayaraq, o dövrün görkəmli maarifçiləri “Əkinçi” qəzetinin səhifələrində öz maarifçi və demokratik ideyalarını təbliğ edərək ictimai, siyasi və bədii fikrin inkişafına böyük təsir göstərmişlər. 1875-ci ildən sonra çoxsaylı nəşrlərlə zənginləşən milli mətbuatımız Azərbaycan ədəbi dilinin və maarifçilik hərəkatının inkişafına əhəmiyyətli töhfələr vermiş, milli özünüdərk və istiqlal məfkurəsinin formalaşması, qabaqcıl ideyaların təbliği istiqamətində böyük xidmətlər göstərmişdir.

Mətbuatın müasir tarixi Ümummilli Lider Heydər Əliyevin adı ilə bağlıdır. Ulu Öndərin 1993-cü ildə xalqın təkidli tələbi ilə hakimiyyətə qayıdışından sonra digər sahələr kimi, mətbuatda da yeni mərhələ başladı. Ümummilli Lider Heydər Əliyevin rəhbərliyi ilə həyata keçirilən və cəmiyyət həyatının bütün sahələrini əhatə edən köklü islahatlar nəticəsində ölkədə senzura, söz və məlumat azadlığını məhdudlaşdıran digər süni maneələr aradan qaldırıldı, medianın fəaliyyətini tənzimləyən mütərəqqi qanunvericilik bazası yaradıldı. Eyni zamanda, mətbuatın problemlərinin həlli, iqtisadi müstəqilliyinin gücləndirilməsi, vətəndaş cəmiyyəti quruculuğunda rolunun yüksəldilməsi məqsədilə ardıcıl tədbirlər görüldü. Mətbuatın inkişafına misilsiz diqqət və qayğısı sayəsində “Jurnalistlərin dostu” adını qazanmış Ulu Öndər ölkəmiz müharibə şəraitində yaşasa da böyük cəsarətlə əvvəlcə hərbi senzuranı, 1998-ci ilin avqustunda isə bütövlükdə KİV üzərində dövlət senzurasını ləğv etdi.

Son 22 ildən artıq dövrdə Heydər Əliyev siyasətini bütün sahələrdə uğurla davam etdirən Prezident İlham Əliyevin azad medianın inkişafı istiqamətində atdığı addımların uğurlu nəticəsinin təqdimatı ölkə Prezidentinin bu müddət ərzində dörd dəfə “Jurnalistlərin dostu” mükafatına layiq görülməsidir. Dövlət başçısı İlham Əliyev 2013-cü il noyabrın 24-də “Jurnalistlərin dostu” mükafatının təqdim olunması mərasimində “Bu mükafatın verilməsi böyük məna daşıyır. Çünki ölkə Prezidentini “Jurnalistlərin dostu” adına sizin tərəfdən layiq görməyiniz, əlbəttə ki, Azərbaycanda azad mətbuatın inkişafında görülən işlərə işarə vurur. Mən bundan sonra da çalışacağam ki, Prezident kimi Azərbaycanda azad medianın inkişafı üçün dəstəyimi verim və beləliklə, ölkəmizin sürətli və uğurlu inkişafını təmin edim. Çünki müasir dünyada inkişaf etmiş ölkələrdə azad medianın səviyyəsi hər bir ölkənin səviyyəsini göstərir” söyləyən Prezident İlham Əliyev onu da qeyd etmişdir ki, Azərbaycanın qarşısında isə belə məqsəd qoyulub ki, Azərbaycan gələcəkdə inkişaf etmiş ölkələrin sırasına daxil edilsin. Belə olan halda Azərbaycanda media ilə bağlı məsələlər ən yüksək səviyyədə öz həllini tapmalıdır.

Tarixi Zəfərimizin və suverenliyimizin tam bərpasının yaratdığı reallıqlar bütün sahələrdə, o cümlədən mətbuatda yeniliklərə, təkmilləşməyə böyük yol açdı. Şübhəsiz, yeni dövr milli mətbuatımızın inkişafı ilə bağlı qanunvericilik bazasının təkmilləşdirilməsini zərurətə çevirir. Hazırda media məkanında sürətli qloballaşma prosesi gedir. Bu baxımdan mövcud qanunvericiliyin təkmilləşdirilməsi zamanın tələbi idi. Bununla əlaqədar Prezident İlham Əliyevin tapşırığı ilə media haqqında qanunvericiliyin təkmilləşdirilməsi istiqamətində məqsədyönlü iş aparılır. Dövlət başçısı İlham Əliyevin 2021-ci il 12 yanvar tarixli “Azərbaycan Respublikasında media sahəsində islahatların dərinləşdirilməsi haqqında” Fərmanı ilə Kütləvi İnformasiya Vasitələrinin İnkişafına Dövlət Dəstəyi Fondunun əsasında “Azərbaycan Respublikasının Medianın İnkişafı Agentliyi” publik hüquqi şəxs yaradıldı. MEDİA Agentliyi ölkəmizdə çap və onlayn medianın inkişafı, media orqanlarının maliyyə müstəqilliyinin gücləndirilməsi, fəaliyyətinin təkmilləşdirilməsi, mütərəqqi layihələrin davamlı dəstəklənməsi məqsədilə müxtəlif tədbirlər həyata keçirir. “Media haqqında” yeni Qanun qəbul edildi. Qanunun məqsədi ölkəmizin informasiya məkanının təhlükəsizliyinin təmin edilməsi, yerli medianın inkişafına təkan verilməsi, informasiya mühitinin sağlamlaşdırılması və rəqabət qabiliyyətinin artırılması, habelə jurnalistika peşəsinin nüfuzunun yüksəldilməsinə şərait yaradılmasıdır. “Media haqqında” Qanunun qəbul edilməsi jurnalist fəaliyyətinin rəqəmsal dövrün çağırışlarına uyğunlaşdırılmasını və ölkəmizin informasiya mühitinin sağlamlaşdırılmasını hədəfləyir.

Müasir dövrdə informasiya texnologiyalarının inkişafı Azərbaycan mətbuatını qlobal informasiya şəbəkəsinin bir hissəsinə çevirib. Bütün dünyada gedən qloballaşma prosesi mətbuatdan da yan keçməyb. Bu gün yüzlərlə azərbaycanlı jurnalist beynəlxalq təşkilatların dəstəyi ilə təşkil olunan peşə artımı kurslarında treninq və təkmilləşmə kursları keçir. Yeni dövrün çağırışları daha bir təkmil addımın atılmasını şərtləndirdi. Belə ki, Medianın İnkişafı Agentliyi və Audiovizual Şuranın əsasında vahid qurumun – Media və Yayım Şurasının yaradılmasına zərurət yaradıldı. Bununla bağlı “Dövlət qulluğu haqqında” və “Media haqqında” qanunlara müvafiq dəyişikliklərin edilməsi barədə qanun layihəsi 2026-cı il iyulun 14-ü Milli Məclisdə qəbul olundu. Qanun layihəsində müasir dövrdə milli informasiya təhlükəsizliyini və medianın iqtisadi müstəqilliyini təmin etmək üçün Azərbaycanda media sahəsinə münasibətdə daha çevik və kollegial mexanizmə keçid zərurətinin yarandığı vurğulanır. Bu isə çap, onlayn və audiovizual media arasındakı sərhədlərin silinməsi, informasiya sisteminin əsas sütunu olan mediaya vahid yanaşmanı şərtləndirir. Bir sözlə, son illər həyata keçirilmiş islahatlar media fəaliyyətinin qanunvericilik bazasının təkmilləşdirilməsi, iqtisadi əsaslarının möhkəmləndirilməsi, jurnalistlərin sosial təminatının yaxşılaşdırılması, dövlətin kommunikasiya siyasətinin müasir dövrün tələblərinə uyğun həyata keçirilməsi, jurnalistika sahəsində çevikliyin, peşəkarlığın yüksəldilməsi, cəmiyyətimizi narahat edən mənfi təzahürlərin aradan qaldırılması, medianın beynəlxalq əlaqələrinin genişləndirilməsi və dost ölkələrlə birgə platformaların yaradılması məqsədi daşımış, bu sahədə nəzərəçarpacaq irəliləyiş əldə edilmişdir.

Cəmiyyətdə təkmil demokratik münasibətlərin formalaşması ölkədə azad mətbuatın inkişafı ilə əlaqəlidir. Azad sözün cəmiyyətdə aşkarlıq və plüralizm prinsiplərinin bərqərar edilməsində, eləcə də demokratik inkişaf prosesində əsas meyarlardan biri olduğunu nəzərə alan Azərbaycan hakimiyyəti heç zaman mətbuatın inkişafına diqqət və qayğısını əsirgəməyib. Bu gün Azərbaycanda ən müasir tələblərə və standartlara cavab verən medianın mövcudluğu və bu sahədə qazanılan uğurlar məhz bu reallığın nəticəsidir. Hər zaman Azərbaycan həqiqətlərinin təbliği missiyasını uğurla həyata keçirən mətbuatımız həm Birinci, həm də İkinci Qarabağ müharibələrində üzərinə düşən vəzifəni layiqincə yerinə yetirib. Ölkə mediası Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyevin artıq tarixə qovuşmuş Qarabağ münaqişəsi ilə bağlı səsləndirdiyi hər bir fikrin, hər bir bəyanatın, işğaldan azad edilmiş ərazilərimizdəki vəziyyət barədə həqiqətlərin ölkə və dünya ictimaiyyətinə çatdırılmasında fəal rol oynayır. Mediamız Azərbaycanın tərəqqisinin və müasir cəmiyyət quruculuğu prosesinin fəal iştirakçısı olaraq, beynəlxalq əlaqələrini və qlobal informasiya məkanında təsir imkanlarını genişləndirir, rəqabət qabiliyyətini artırır. Tarixi Zəfərimizdən sonra ənənəvi keçirilən Şuşa Qlobal Media forumları Azərbaycan mətbuatının inkişaf yolunun təqdimatında əhəmiyyətli rol oynayır. Bu gün Azərbaycan mətbuatı müasir dövrün çağırışlarına çevik reaksiya verərək rəqəmsallaşma, sosial media və süni intellekt kimi yeniliklərə uğurla uyğunlaşır. Media qurumları xalqın informasiya tələbatını operativ ödəmək, oxucu auditoriyasını genişləndirmək və təkzibolunmaz faktlara əsaslanan məlumatlar təqdim etmək üçün qlobal texnoloji trendləri fəal şəkildə tətbiq edir. Bir sözlə müasir Azərbaycanın mediası dövrün tələblərinə cavab verməsini şərtləndirən əsas amilləri özündə ehtiva edir. Keçilən 151 illik yol mətbuatımızın perspektiv inkişafı barədə aydın təsəvvür yaratmaqla bərabər, həm də gələcək üçün yol xəritəsidir.

---

---