Fransa mümkün müharibəyə girərsə, ordunun resursları 3-4 günə tükənər.

Belə bir etirafla fransa Senatının Xarici Əlaqələr və Müdafiə Komissiyasının sədri Kristian Kambon RFI radiosunda çıxışı zamanı deyib.

Onun sözlərinə görə, Fransa mümkün uzunmüddətli müharibəni davam etdirmək üçün kifayət qədər resurslara malik deyil.

Kambon belə bir halda hərbi resursun bir neçə günə tükənə biləcəyini, hətta bunun 3-4 gündən çox çəkməyəcəyini bildirib.

Ölkəsinin hərbi sursatlarının hazırda Saharaaltı bölgədəki Barxane hərbi hissələrinin xidmətində olduğunu bildirən Kambon, Fransanın digər Avropa ölkələrindən fərqli olaraq öz ehtiyatlarından istifadə etdiyini bildirib.

Kristian Kambon İkinci Dünya Müharibəsi ərəfəsində Fransanın hərbi sursat çatışmazlığını xatırladaraq deyib ki, münaqişə qapımıza çatsa, yenidən eyni vəziyyətdə qalmasını istəməzdik.

---

---