Türkiyənin ən reytinqli seriallarından hesab olunan “Çukur”un ötəngünkü seriyası Neslican Taya həsr olunub.

Milli.Az bildirir ki, ekran işində xərçəng xəstəliyindən vəfat edən Neslican Tayla bağlı səhnəyə yer verilib.Bu addım sosial şəbəkələrdə təqdir edilib, izləyicilər rejissoru bu hərəkətinə görə “alqışlayıblar”.Qeyd edək ki, 22 yaşlı gənc qız 4 il əvvəl sümük xərçənginə tutularaq ayağının birini itirmişdi. Xəstəlik ayağından sonra ağciyər və digər orqanlarına yayılsa da o, kimya terapiyalar sayəsində qalib gəlmişdi. Dördüncü dəfə xərçəngə tutulan gənc qız orqan yetməzliyi səbəbilə müalicə aldığı xəstəxanada vəfat edib. Neslican xəstəliyinə baxmayaraq, hər zaman pozitiv paylaşımları ilə eyni xəstəlikdən əziyyət çəkən insanlara dəstək olmuşdu. Onun vəfatı ilə bağlı bir çox məşhurlar paylaşım ediblər.

---

---