ABŞ Prezidenti Donald Tramp "Truth" sosial şəbəkəsində Azərbaycanın və Ermənistanın liderləri ilə Ağ Evdə keçiriləcək görüşə həsr olunmuş paylaşım edib.

Paylaşımda deyilir:

“Sabah Ağ Evdə Azərbaycan Prezidenti İlham Əliyevi və Ermənistanın Baş naziri Nikol Paşinyanı Tarixi Sülh Sammitində qəbul etməyi səbirsizliklə gözləyirəm.

Bu iki ölkə uzun illər müharibə aparıblar və nəticədə minlərlə insan həyatını itirib. Bir çox liderlər bu müharibəyə son qoymağa çalışıblar, lakin uğursuz olublar — indiki ana qədər. Bu, “TRAMP” sayəsində dəyişdi. Mənim administrasiyam uzun müddət ərzində hər iki tərəflə qarşılıqlı fəaliyyət göstərib.

Sabah Prezident Əliyev və Baş nazir Paşinyan mənə Ağ Evdə Sülh Sazişinin İmzalanması üzrə rəsmi Mərasimdə qoşulacaqlar. Birləşmiş Ştatlar, həmçinin, regionun tam potensialını açmaq üçün Cənubi Qafqazda iqtisadi imkanların birgə inkişafı məqsədilə hər iki ölkə ilə ikitərəfli sazişlər imzalayacaq.

Ermənistan və Azərbaycanın böyük xalqları üçün düzgün qərar verdiklərinə görə bu cəsur liderlərlə fəxr edirəm. Bu, Ermənistan, Azərbaycan, Birləşmiş Ştatlar və SÜLH üçün Tarixi Bir Gün olacaq. Görüşənədək!”

---

---