Ankara və Moskva Bakı ilə İrəvan arasında münasibətlərin normallaşdırılması səylərini davam etdirir.

“Bunu RF XİN başçısı Sergey Lavrov deyib.

Onun sözlərinə görə , Ankara ilə Moskvanın qarşılıqlı fəaliyyəti təkcə davamlı məsləhətləşmələrlə bitmir, siyasi mövqelərin uzlaşdırılması istiqamətində addımlar atırıq.

“Ağdamdakı Türkiyə-Rusiya birgə monitorinq mərkəzinin fəaliyyət göstərməsi atəşkəsə və bütün hərbi əməliyytalara nəzarət etmək istiqamətində çox uğurlu əməkdaşlıq formatıdır. Bu bizim qarşılıqlı əlaqələrimizin möhkəmlənməsinə imkan verir.

Əməkdaşlığımızın digər istiqaməti isə bölgədə ticarət-iqtisadiyyat, nəqliyyat əlaəqlərinin bərpa edilməsidir. Ona görə də zamanında Ərdoğan və Əliyevin bölgənin inkişafını təşviq edəcək "üç + üç" formatındakı əməkdaşlıq təklifinə dəstək və müsbət reaksiya verdik. Üç Cənub Qafqaz ölkəsi və üç region ölkəsi olan Rusiya, Türkiyə və İran. Biz bu barədə də danışdıq və ilkin mərhələ üçün yaxşı planlarımız var. Bir daha təkrar edirəm ki, Ermənistan-Azərbaycan və Qarabağ məsələlərində sıx və səmərəli əməkdaşlıq bizi qane edir”, - Lavrov qeyd edib.

---

---