Mütləq Döyüş Çempionatının (UFC) prezidenti Dana Uayt rusiyalı kəmər sahibi Həbib Nurməhəmmədovun UFC 254 yarışında amerikalı Castin Qetji üzərində qələbədən sonra peşəkar karyerasını başa vurmaq qərarına reaksiya verib.
Bu barədə “Sport24” xəbər verib.

UFC prezidentinin sözlərinə görə, o heç vaxt heç kimi fikrindən daşındırmayıb. Uayt xahiş edib ki, azarkeşlər Nurməhəmmədova istirahət etməyə imkan versinlər.

"Ən böyük statusda olan insan seçim hüququna malikdir. Oğlan bir az əvvəl atasını itirdi və mən sizə bu artıq danışdım: bəxtimiz gətirdi ki, biz bu gün onu gördük", - UFC rəhbəri deyib.

Xatırladaq ki, təkbətək döyüş ikinci raundda Nurməhəmmədovun vaxtından əvvəl boğucu fəndlə qələbəsi ilə başa çatıb.

Rusiyalı idmançı üçün bu, atası Abdulmanap Nurməhəmmədovun ölümündən sonra ilk, peşəkar karyerasında isə ardıcıl 29-cu qələbə olub. H.Nurməhəmmədov bununla yüngül çəkidə UFC çempionu titulunu qoruyub.

---

---