Sərdar Əhmədov: Biz daha torpaqlarımızın işğal olunduğu deyil, işğaldan azad olunduğu günləri qeyd edirik

Xəbər başlıqları

13:21 – Prezidentdən göstəriş: geniş islahat paketi hazırlanır
11:04 – İlham Əliyev Leonid Slutski ilə görüşüb
14:08 – Prezident SABAH proqramı ilə bağlı sərəncam imzaladı
12:25 – İlham Əliyev Şimali Makedoniya Prezidenti ilə görüşüb

Sərdar Əhmədov: Biz daha torpaqlarımızın işğal olunduğu deyil, işğaldan azad olunduğu günləri qeyd edirik

7-10-2021, 15:12 155 dəfə baxılıb

Yaşayıb-yaşayıb ömrün yetkin bir mərhələsinə çatanda və çevrilib arxada qalan onilliklərə nəzər salanda, xatırlamağa, arxalanmağa, öyünməyə nəsə tapa bilirsənsə, yaşadıqlarına görə təəssüflənmirsənsə, deməli, ömrün hədər getməyib.

Deməli, ALLAHIN bəxş etdiyi ömrü doğru-düzgün yaşamaq, ədalətli, xeyirxah, el-oba, cəmiyyət üçün lazımlı, gərəkli olmaq, haqqı-nahaqqa verməmək, başqalarının haqqını tapdamamaq kimi dəyərlərə sadiq qalmağı bacarmısan. Belə yaşamaq, əlbəttə, hər kəsə nəsib olmur.

Amma dünya belə dəyərli, qiymətli insanlardan xali də deyil. Bu yazıda məhz elə insanlardan birinin - gözəl insan, xeyriyyəçi Bərdə Suvarma Sistemləri İdarəsinin müdiri Sərdar Əhmədovun keçdiyi mənalı ömür yoluna qısa da olsa, nəzər salmağa çalışacağıq.

Bərdə Suvarma Sistemləri İdarəsinin müdiri Sərdar Əhmədov qazilərin, şəhid ailələrinin, veteranların yaxın dostudur. Onların heç bir müraciətini geri çevirməyən Sərdar Əhmədov səlahiyyətləri çərçivəsində hər cür köməklik göstərməyə həmişə hazırdır.

Karantin dövründə də rayonda yaşayan sakinlərin evlərinə ərzaq bağlamaları göndərilmişdir.

Mayası vətənpərvərliklə, halallıqla yoğrulan bu gözəl insana, Bərdə Suvarma Sistemləri İdarəsinin müdiri Sərdar Əhmədova biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.

Bərdə Suvarma Sistemləri İdarəsinin müdiri Sərdar Əhmədov - Azərbaycan xalqı müdrik, əyilməz, yenilməz bir xalqdır. Biz heç vaxt heç kimə baş əyməyəcəyik. Bu gün məhz cənab Prezidentin apardığı siyasət nəticəsində xalqımızın arzusu reallaşdı. Qarabağımız düşmən tapdağından azad olundu və torpaq həsrətinə son qoyuldu. Güclü ordumuz, vətənimizin igid oğulları bir yumruq olub torpaqlarımızın geri qaytarılması uğrunda canlarından keçdilər, adlarını tarixə qızıl hərflərlə yazdılar.

Artıq müharibənin başlanmasından bir il ötür. 27 Sentyabr tarixində şəhidlərimizin ruhuna ehtiram göstərmək, onların xatirəsini əziz tutmaq məqsədilə Azərbaycanda Anım Günü keçirildi.

Sevindirici haldır ki, biz daha torpaqlarımızın işğal olunduğu deyil, işğaldan azad olunduğu günləri qeyd edirik. Bu qürur dolu anları bizə yaşatdığına görə Azərbaycan xalqının mərd oğullarına və Prezident İlham Əliyevə minnətdarıq.

2 oktyabr 2021-ci il tarixi Azərbaycan Respublikasının Prezidenti İlham Əliyevin İspaniyanın EFE İnformasiya Agentliyinə müsahibəsi ilə yadda qaldı. Bütün çıxışlarında olduğu kimi biz yenə əmin olduq ki, bundan sonra da xalqımızı işıqlı gələcək gözləyir. İlham Əliyev yenə də bu çıxışı ilə torpaqlarımıza göz dikən, tariximizi, keçmişimizi əlimizdən almaq istəyən riyakarlara qarşı silah oldu.

Cənab Prezident müsahibəsi ilə bir daha sübut etdi ki, biz sülhsevər millətik. Sülh tərəfdarı kimi çıxış edərək bildirdi ki, Ermənistandan fərqli olaraq bizim mövqeyimiz dəyişməzdir, müharibədən sonra da olduğu kimi qalır. Ermənistanla hər iki ölkənin ərazi bütövlüyünün qarşılıqlı tanınması əsasında normal münasibətlər qurmaq istədiyini, həmçinin gələcək sülh sazişi üzərində Ermənistanla işləməyə hazır olduğunu qeyd edir.

Unutmaq olmaz ki, Azərbaycan humanist ölkədir. Öz tarixi, əzəli torpaqlarını müharibə yolu ilə geri qaytarsa da, dünya hərb tarixində humanistliyi və beynəlxalq hüquqa hörmətlə yanaşması ilə fərqləndi. Ermənistana təhvil verilən əsirlər vətənlərinə qayıtdıqdan sonra mediaya açıqlamalarında etiraf ediblər ki, bütün əsirlərlə beynəlxalq tələblər səviyyəsində davranılıb. Lakin müharibədən iki həftə sonra- dekabrın əvvəlində 62 erməni terrorçu işğaldan azad olunmuş ərazilərdə əhaliyə hücum etmişdir. Onlar müharibə əsirləri sayılmırlar. Prezident öz çıxışında bildirir ki, yalnız müharibə dövründə əsir düşənlər müharibə əsirləri sayılır. Terrorçulardan bir neçəsinin vətənlərinə qaytarılmasının səbəbi isə sülhsevərliyimizin sübutudur.

Jurnalistin “Mülki əhalinin işğaldan azad olunan ərazilərə nə zaman qayıda biləcəyini təxmin edirsiniz?” sualına belə cavab verir: “Əlbəttə, burada ilk maneə minalardır. Ərazilər minalardan təmizlənməyincə biz insanları geri qaytara, həyatlarını təhlükə altında qoya bilmərik. Minaları təmizlədiyimiz yerlərdə mülki əhali üçün şəhərləri, qəsəbələri, kəndləri tikməyə başlamışıq”.

Bəli, çox az zaman qalıb ki, o ərazilərə də həyat qayıdacaq, yerli əhali öz doğma yurdlarına qayıdacaq, yenə həmin torpaqlarda toy-bayram olacaq.

« Kasım 2024 »
Pt	Sa	Çr	Pr	Cu	Ct	Pz
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

« Kasım 2024 »
Pt	Sa	Çr	Pr	Cu	Ct	Pz
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

« Kasım 2024 »
Pt	Sa	Çr	Pr	Cu	Ct	Pz
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30