“Ölkə.Az” gecə və səhərə yaxın Hindistanla Pakistan arasında baş verən əsas hadisələrin xronologiyasını təqdim edir:

Hindistan Pakistanın sərt cavabından şoka düşüb və vasitəçilər yolu ilə gərginliyi azaltmağa çağırıb.

Hindistan ordusu Kəşmirdə nəzarət xəttində yerləşən Çora kompleksində ağ bayraq qaldırıb.

Buna səbəb isə Pakistan ordusunun nəzarət xətti boyunca düşmən postlarına ciddi zərbə vurması olub. Hindistan ordusu Çora kompleksi postunda ağ bayraq asıb.

Həmçinin Pakistan Hərbi Hava Qüvvələri Hindistanın Fransa istehsalı olan iki “Rafale” və Rusiya istehsalı olan bir “Su-30” qırıcısı daxil olmaqla beş təyyarəsini vurub.

Bundan əlavə, Hindistan Hərbi Hava Qüvvələri gecə hücumu zamanı Pakistanda mülki infrastruktura, o cümlədən dörd məscidə zərbələr endirib.

Zərbələr Əhmədpur İst və Muridke (Pəncab əyaləti), Müzəffərabad və Kotli (Azad Cammu və Kəşmirin Pakistan ərazisi) şəhərlərindəki məscidlərə endirilib.

Pakistanda mülki infrastruktura endirilən raket zərbələri nəticəsində ölənlərin sayı 8 nəfərə, yaralıların sayı isə 35 nəfərə çatıb.

Hindistan ordusu silahlı qüvvələrin hər üç qolunun dəqiq silahlarından istifadə etməklə Hindistan ərazisindən Pakistandakı hədəflərə zərbələr endirib.

"Zərbələrə üç qüvvənin - Hindistan Ordusu, Hərbi Dəniz Qüvvələri və Hərbi Hava Qüvvələrinin dəqiq silah sistemləri cəlb olunub. Zərbələr yalnız Hindistan ərazisindən endirilib", - məlumatda deyilir.

Məlumata görə, Pakistanda silahlıların düşərgələrinə zərbələrin endirilməsi üçün koordinatlar kəşfiyyat orqanları tərəfindən verilib.

---

---