ABŞ raket atıcı sistemi olan HIMARS-ı təlim keçmiş personalı ilə birlikdə iyun ayının sonuna qədər Ukraynaya daşınacağını açıqlayıb.

“Bunu ABŞ Müdafiə naziri Lloyd Ostin və Baş Qərargah rəisi general Mark Milley keçirdikləri birgə mətbuat konfransında deyib.

Ostinin sözlərinə görə, ABŞ-ın Ukraynaya veriləcək 1 mlrd dollarlıq silah yardımı paketinə çoxlüləli reaktiv yaylım atəşi (MRLS) sursatları, 18 ədəd M777 tipli haubitsa və onları yedəkləyən taktiki maşınlar, 36 min ədəd 155 millimetrlik haubitsa mərmiləri, 2 sahil Harpoon müdafiə sistemi minlərlə radio, gec görmə cihazları, termal cihazlar və digər optik avadanlıqlar daxildir.

“Biz koordinasiya və əməkdaşlığı dərinləşdirəcəyik və hamımızı qoruyan qaydalara əsaslanan beynəlxalq nizamın müdafiəsini davam etdirəcəyik”, - Ostin vurğulayıb.

Baş qərargah rəisi Milley isə deyib ki, HIMARS-lar 70 kilometrlik məsafədə olan hədəfləri dəqiqliklə sıradan çıxara bilir.

Milley ABŞ və müttəfiqlərinin HIMARS üçün 60 ukraynalı, M777 haubitsaları, zirehli personal daşıyıcıları və pilotsuz uçuş sistemləri üçün isə 420 ukraynalı personala təlim keçdiyini açıqlayıb. Milley bundan əlavə olaraq Ukraynaya 97 min tank əleyhinə sistem təqdim etdiyini də bildirib.

---

---