Tehran mayın 22-də SEPAH komandirlərindən Həsən Səyyad Hüdayinin öldürülməsində İsraili ittiham edərək, qisasını alacağını bəyan edib. Bu məqsədlə İran tərəfi Türkiyəyə gələn israilli turistləri qaçırmaq planı hazırlayıb.

“Haber7” xəbər verir ki, Milli İstihbarat Təşkilatı (MİT) bu əməliyyatın qarşısını alıb.

Belə ki, MİT MOSSAD-dan aldığı məlumat əsasında hərəkətə keçərək İranın Türkiyədəki israilli turistlərin qaçırılma planının qarşısını alıb.
İsrailin xarici işlər naziri Yair Lapid sosial media hesabından paylaşım edərək İranın israillilərə qarşı terror planı hazırladığını bəyan edib. Bunu nəzərə alan nazir israillilərə Türkiyəyə və İstanbula səfər etməkdən çəkinməyə çağırıb.

Lapid eyni zamanda Tehranı da xəbərdar edərək bildirib ki, hər hansı bir israilli zərər görərsə, bu cavabsız qalmayacaq.

---

---