Ermənistan Səhiyyə Nazirliyinin rəhbəri Arsen Torosyan 27 sentyabr - 9 noyabr tarixlərində Qarabağdakı döyüş əməliyyatları zamanı hərbi itkilərlə bağlı yeni məlumatları açıqlayıb.

“Qafqazinfo” xəbər verir ki, bu barədə öz feysbuk hesabında açıqlama verən nazir müharibənin başlanğıcından bu günə qədər məhkəmə tibbi ekspertiza xidmətinin 3 360 ölü hərbçinin cəsədlərini və ya qalıqlarını müəyyənləşdirdiyini bildirib.

Onun sözlərinə görə, 2500-dən çox şəxsin kimliyinin müəyyənləşdirilməsi üçün məhkəmə tibbi-genetik ekspertizası keçirilib.

---

---