Ermənistan ordusunun məsul şəxslərinin Qarabağ müharibəsindəki cəzasızlığı ölkənin təhlükəsizliyi üçün böyük təhdidə çevriləcək.

Bunu “Mənim addımım” partiyasının üzvü, Ermənistan parlamentinin Müdafiə və Təhlükəsizlik üzrə Daimi Komissiyasının sədri Andranik Koçaryan deyib.

Onun fikrincə, Qarabağ müharibəsində səhvlərə görə, Ermənistanın müdafiə naziri və silahlı qüvvələrin məsul şəxslərinin istefa verəcəkləri gözlənilirdi.

"Onların dərhal istefa verməmələri, etdiklərindən tamamilə xəbərsiz olduqlarını göstərir. Bu şəxslər cəzasız qalsalar, orduda bənzər hadisələrin baş verməsi davam edəcək. Bu isə Ermənistanın təhlükəsizliyi üçün ciddi təhdidə çevriləcək”, - o deyib.

Müdafiə Nazirliyinin bəyanatına münasibət bildirən Koçaryan qeyd edib ki, bu güc strukturu uydurulmuş və populist bəyanatlarla çıxış etməməlidir.

---

---