"Amerikaya mükafat almağa gedəndə Sarastovda böyümüş, müharibə şəraitində olduğumuz qonşularımızdan biri mənə yaxınlaşdı və "Getmə gözəl yar" mahnısını oxudu. Sonra öz dilində "qurban olum, qadan alım" dedi. Rus dilində davam etdi ki, mən sizə baxıb, oxuyan olmaq istəmişəm. Bu sözləri müharibə şəraitində olduğumuz qonşularımızın nümayəndəsi dedi”.
Musavat.com xəbər verir ki, bu sözləri xalq artisti Brilliant Dadaşova deyib.

“Sözüm var” proqramına qonaq olan ifaçı bəzi müğənnilərə də atmaca atıb:
“Fikirləşdim ki, səhnəyə çıxmayanlar bunları mənə deyirdi, sənə baxıb oxuyan olmaq istədik. Üç nəfər onları tanıyandan sonra, üzləri 180 dərəcə dönüb. Niyə, bilmirəm. Bəlkə sənətləri kimi özləri də cılız olduqlarına görədir. Amma mənə bunu etiraf edən müharibə şəraitində olduğumuz ölkənin nümayəndəsi idi. Söylədi ki, inşallah müharibə bitəcək, gəlib sizinlə duet oxuyacağam. Deyir, ölməmişdən öncə sizinlə duet oxuyacağam. Bu, Azərbaycan musiqisinin gücüdür. Dünyanı gəzirsən, bunları görürsən. Sonra Azərbaycanda bəzi şeyləri görəndə təəccüblənir".

---

---