Avro 2017-ci ildən bəri ilk dəfə 1,06 dollardan aşağı düşüb.

Avro 0,8% ucuzlaşaraq 1,056 dollara enib.

İnvestorların regionda enerji təchizatı və potensial tənəzzüllə bağlı narahatlıqlarının artması avronu ABŞ dolları qarşısında ucuzlaşıb. Son hadisələr fonunda treyderlər dolları təhlükəsiz sığınacaq hesab edib.



Qeyd edək ki, bazarın hərəkəti Rusiyanın dövlət enerji şirkəti “Qazprom”un Avropa İttifaqının iki üzvü olan Polşa və Bolqarıstana təbii qaz tədarükünü dayandırmaq qərarına gəlməsi və Moskvanın rublla ödəniş tələb etməsi ilə baş verib. Fevralın 24-də Rusiyanın Ukraynaya hərbi müdaxiləsindən sonra Moskva ilə Qərb arasında gərginlik artmaqda davam edir.

---

---