Xəbər verdiyimiz kimi, dekabrın 21-də “Qarabağ”ın ilk dəfə Xankəndi şəhər stadionunda oyuna çıxacağı bildirilir.

Artıq oyunöncəsi hazırlıq işləri aparılır.

Bu günlərdə çəkilən görüntülərdə Xankəndi stadionunda bir neçə nəfərin futbol oynadığı əks olunub.

Ehtimal olunur ki, onlar stadionda çalışan şəxslər və ya futbolçulardır.

Qeyd edək ki, dekabrın 21-də Xankəndi şəhər stadionunda böyük ehtimalla Azərbaycan kubokunun 1/8 finalında “Qarabağ” – MOİK, Ağdaş - Cəbrayıl cütünün qalibi arasında baş tutacaq.

Xatırladaq ki, bundan əvvəl Xankəndi şəhər stadionunda “qondarma rejim”in bayrağı ilə örtülü tribunaları sökülüb yeniləri ilə əvəzlənmişdi. Arenanın ot örtüyünün dəyişdiriləcəyi və paltardəyişmə otaqlarının yenilənəcəyi bildirilirdi.

---

---