Xoşqədəm Hidayətqızının Xəzər TV-də yayımlanan "Səni axtarıram" proqramında oğlunun axtarışına çıxan Bahar adlı qadın hamını təəccübləndirən açıqlamalar verib.

beş.az xəbər verir ki, Bahar 4 dəfə ailəli olduğunu deyib.

Bunun müqabilində proqramda olan ekspertlər onu qınamağa çalışıblar. Lakin Bahar onlarla mübahisə edərək, kimsənin şəxsi həyatına qarışmasına izin vermədiyini bildirib:

"Mən uşağımı geri qaytarmaq üçün X. Hidayətqızına müraciət etmişəm. Ərə getməyimin müzakirəsi üçün deyil".

Dördüncü dəfə türk vətəndaşı ilə ailə quran Bahar uşağını götürüb Türkiyəyə getmək istədiyini, amma buna yol verilmədiyini bildirib:

"Anam və bacım oğlumu əlimdən alıb, gizlədiblər".

Bacısı Səhər isə, Baharın dediklərini təkzib edib:

"Bahar 4 il əvvəl uşağından öz istəyi ilə imtina edib".

X. Hidayətqızı öz növbəsində uşağın yerini bildiyini deyib. Bu zaman Bahar ağlayaraq, psixoloji gərginlik keçirib və özünü döyməyə başlayıb. Eləcə də Xoşqədəmdən uşağını istəyib. Baharın bu halını görən aparıcı, onun studiyadan çıxarılmasına göstəriş verib.

---

---