Müasir Müsavat Partiyasının sədri Hafiz Hacıyev Musavat TV-nin canlı yayımında bu gün DTX tərəfindən saxlanılan qohumu, İmişlinin icra başçısı Vilyam Hacıyev barədə sərt fikirlər səsləndirib:
"Vilyam Hacıyev bu vəzifəyə layiq deyildi. İnsan keçmişinin unutmamalı, tez qudurmamalıdır. İnsan öz zəhmətiylə irəli getməlidir. Ona çörək verənə saymamazlıq bu nəticəyə çıxarır. Vaxtında Vilyam Hacıyevi tənqid edəndə mən qınayırdılar ki, danışma. Neçə illərdir onun haqqında danışmamağımı istəyirdilər. O, Samuxda işləyəndə də demişəm və ona görə başım ağrı çəkib. Bəzi nazirlər mənə xəbərdarlıq edirdilər ki, onun barəsində danışma".
Qeyd edək ki, V.Hacıyevin bu dəqiqələrdə DTX əməliyyatçıları tərəfindən saxlanılıb.

---

---