Bərdə rayonunda anasını bıçaqlamaqda təqsirli bilinən Əhmədov Elvin Telman oğlunun cinayət işi məhkəmə prosesi davam edir.

Beş.az ölkə.az-a istinadən bildirir ki, Gəncə Ağır Cinayətlər Məhkəməsində hakim Nurlan Əliyevin sədrliyi ilə keçiriləcək növbəti məhkəmə prosesi may ayının 8-nə təyin olunub.

Qeyd edək ki, hadisə Bərdə şəhərinin Qarabağ qəsəbəsində baş verib. Əhmədov Elvin Telman oğlu tərəfindən küçədə bıçaqlanan 47 yaşlı Aybəniz Vəliyeva xeyli vaxt əvvəl həyat yoldaşından ayrılıb. O, qəsəbədə atasının evində yaşayıb. Elvin isə atası ilə birgə kirayədə tutduqları mənzildə yaşayıb.
Hadisə baş verən günü Elvin anasının yaşadığı evə gələrək anası ilə mübahisə edib. Hadisəyə 48 yaşlı Aybəniz Vəliyevanın ikinci dəfə ailə həyatı qurmaq istəməsi səbəb olub. Qadının buna qarşı çıxan övladı anasının istəyinə ehtiraz edib. Anası ilə küçədə mübahisə edən Telman Əhmədov qadına 11 bıçaq xəsarəti yetirib. T.Əhmədov hadisədən sonra polisə könüllü təslim olub.

Aybəniz Vəliyeva isə Bərdə şəhər Xəstəxanasının Reanimasiya şöbəsinə yerləşdirilib. Həkimlərin səyi nəticəsində qadının həyatını xilas etmək mümkün olub.

---

---