Rusiyada saxlanılan Moskva Akademik Satira Teatrının keçmiş direktoru Məmmədəli Ağayev barəsində RF Cinayət Məcəlləsinin 159-cu maddəsinin 4-cü hissəsi ilə cinayət işi açılıb.

Ağayev 20 milyon rubl məbləğində büdcə vəsaitini mənimsəməkdə ittiham olunur və hazırda onun barəsində istintaq hərəkətləri aparılır.

Rusiya istintaq orqanlarının əməkdaşları şübhəlinin yaşadığı ünvanda axtarış keçirib, nəticədə pul vəsaitləri, eləcə də sübut dəyəri olan əşyalar və sənədlər götürülüb. Müstəntiqlər Ağayevin barəsində həbs qətimkan tədbirinin seçilməsi üçün vəsatət qaldırmağı planlaşdırırlar.

Hüquq-mühafizə orqanlarının məlumatına görə, 20 milyon rublun mənimsənilməsi ilə bağlı cinayət işində yeni təqsirləndirilən şəxslərin də müəyyən edilə biləcəyi istisna edilmir. Hazırda saxlanılan şəxsin və yaxın qohumlarının hesabları dondurulub.

İttiham təsdiqlənəcəyi təqdirdə, Məmmədəli Ağayevi 10 ilədək həbs və 1 milyon rubla qədər cərimə gözləyir.

---

---