"Microsoft" tərəfindən paylaşılan bir məlumata görə yaxın gələcəkdə rəsmi "Game of Thrones" oyunu təqdim edilə bilər.

Beş.az chip.az-a istinadən bildirir ki,"Xbox"un rəsmi sosial media hesablarında ötən gecə yayımlanan kiçik məzmun diqqət çəkib. Belə ki, "Twitter"də Targaryen ailəsinin obrazları paylaşılıb."Facebook"da isə alovlu tema "Night King"i xatırladan qar fırtınası ilə əvəz olunub. Hər iki paylaşımda "Və gözlədiyiniz artıq başlayır" başlığı qeyd olunub.

Hazırda bu məlum olan yeganə məlumatdır. Ancaq "Microsoft"un məşhur seriala aid yenilik üzərində çalışdığı dəqiqdir. Adı çəkilən şirkətin E3 sərgisinə hazırlaşdığı bir vaxtda bomba partlaması kimi tətbiq edəcəyi yenilik maraqla gözlənilir.

Qeyd edək ki, bunlar "Xbox" üçün yayımlanan təqdimatlardır. Lakin konsol üçün açıqlanan bir çox oyunun PC versiyası da buraxılıb. Eyni vəziyyətin bu dəfə baş verəcəyinə dair heç bir zəmanət olmasa da ehtimallar yüksəkdir.

---

---